Bziratizo bza Upalizi
Bzipsa bza Umambo N.° 38
“Tinkucita kampanya yomwe inkucitika pa dziko lense la pansi yakugawira nkhani yakufunikayi. Iri ndiro tsamba lanu.”
Dziwani ibzi: Lewani mafala yakucepa kuti mukwanise kumaliza gawo. Tsono nthawe zinango, mweneciro nyumba angafune kuceza kuti adziwe bzizinji. Bzikacitika, mungamukumbire kuti akuuzeni nzeru zace pa mbvunzo wa kutsogolo, mulewengereni mtawiro wa m’Bibliya wakulatizidwa mkati, mucicezerana naye mbali zinango za m’tratadolo nthawe ikabvumiza. Mukanati kucoka, mulatizeni mbvunzo womwe uli ku seri kwa tratadoli pansi pa mafala yakuti “Kuti Mukumbukire,” mucipangana naye kudzamuzungira pomwe.
Nsanja ya Olonda 1 Novembro
“Mwa kuwona kwanu, ndiponi gunkha likulu lakulewa bza Mulungu? [Dikirani atawire.] Mwakubverana na Bibliya, Mulungu an’funa kuti wanthu wamufune na kumukhulupira. [Lewengani Zaiya 41:13.] Revistayi imbazimbula magunkha matatu yakulewa bza Mulungu yomwe yambatazisa wanthu winango kumufenderera.”
Galamukani! Novembro
“Tinkuzungira wanthu mu nthawe yakucepa thangwe wazinji wankucita thupo na kumala kwa makhalidwe yabwino. Kodi mun’kumbuka kuti wanthufe tasiya makhalidwe yabwino? [Dikirani atawire.] Bibliya lidaleweratu kuti makhalidwe ya wanthu yangadadzacinja. [Lewengani 2 Timotio 3:1-5.] Revistayi inkufokotoza mathangwe yomwe tingakhulupirire mitemo ya makhalidwe yabwino yakugumanika m’Bibliya.”