Bziratizo bza Upalizi

Kuyambisa Mapfunziro ya Bibliya pa Nsiku ya Malinkhuma Yakuyamba mu Novembro

“Ndaphata minyendo, onani mbvunzo wakufunikayu. [Werengani mbvunzo wakuyamba womwe uli kumambuyo kwa Nsanja ya Olonda ya 1 Novembro.] Kodi munkukumbuka tani? [Werengani ndime ziwiri zomwe ziri pansi pa mbvunzo umweyo ndipo muciwerengambo libodzi mwa mavesi yakusaya kuphatidwa mafala.] Ndingadzabwerere pomwe kuti tidzacezerane kuti ni thangwe ranyi Jezu adalamusa anyakufa ndipo bzimbathandauza ciyani kuna ifepano?”

Nsanja ya Olonda 1 Novembro

“Kodi mudabzibvunzambo kale thangwe ranyi bzinthu bzizinji bzakuipa bzinkucitika padziko la pansili? [Dikhirani atawire.] Bibliya limbalewa thangwe race pa Cibvumbulutso 12:9. [Werengani.] Tsono, vesi 12 limbatipasa mathangwe yakuti tikhale na cidikhiro. [Werengani Cibvumbulutso 12:12.] Tsapanopa bzinthu bzakuipa bzakutsogoleredwa na Sathanibzi bzinimala. Nkhaniyi ya msolo wakuti ‘Kodi Mun’funika kugopa Sathani?’ inkufotokoza momwe tingabzikhotcerere ku bzinthu bzakuipabzi tsapano na bzomwe bziti bzicitikire Sathani tsapanopapa. Ndinkukusiyirani revistayi.”

Galamukani! Novembro

“Ali-wense ambafuna kukhala wakukondwa, tsono azinji ambakhala lini wakukondwa. Kodi munkukumbuka kuti tingagumane tani mtendere wacaiwo? [Dikhirani atawire.] Ine ndawona Bibliya kukhala lakuthandiza kwene-kwene pa kupasa moyo wacikondweso. Mwaciratizo, onani nfundo iyi yam’ Bibliya. [Werengani Wahebereu 13:5.] Revistayi inkufotokoza nfundo zinayi zakucokera m’Bibliya ninga mfungulo wakugumanira cikondweso.”