Bziratizo bza Upalizi

Kuyambisa Mapfunziro ya Bibliya pa Nsiku ya Malinkhuma Yakuyamba mu Dezembro

“Wanthu wazinji wankudikirira kubwerera kwa Jezu. Penu Jezu angadabwera pomwe, n’cinthu ciponi comwe mungadafuna kuti iye acite?” Dikirani atawire. Latizani kumbuyo kwaNsanja ya Olonda ya 1 Dezembro, mucifokotozerana naye nkhani pansi pa mbvunzo wakutoma, mucilewenga naye vesi libodzi la m’Bibliya. Mupaseni marevistayo, mucipangana kudzamuzungira pomwe kuti mudzacezerane mbvunzo munangoyo.

Nsanja ya Olonda 1 Dezembro

“Lero moyo ngwakupanikiza kwene-kwene mwakuti bzimbatinesa kukumbukira Mulungu. Kodi mun’kumbuka kuti mpsakufunika kwene-kwene kukumbukira Mulungu pa moyo wathu? [Dikirani atawire.] Pa Nkhani yace ya pa Phiri yakusaya kuyebweka, Jezu adalewa kuti tin’funikira bzinthu bza uzimu kuti tikhaledi wakukondwa caibzo. [Lewengani Mateu 5:3.] Revistayi imbafokotoza mathangwe matatu kuti ifepano tifunikire Mulungu.”

Galamukani! Dezembro

“Wanthu wazinji wambandokhulupira bzinthu bzomwe walewenga ayai wabva kucokera m’bzikasi bzakumwazira nkhani. Kodi mun’kumbuka kuti nkhani zomwe wambabvazo n’zacadidi na zakukhulupirika? [Dikirani atawire.] Bibliya limbatiuza kuti timbasamale pa nkhani ya kukhulupira bzomwe tinkubva. [Lewengani Djobi 12:11.] Revistayi in’tipasa nzeru zakutithandiza kumbapima bzomwe timbalewenga na kubva.”