Bziratizo bza Upalizi

Kuyambisa Mapfunziro ya Bibliya pa Nsiku ya Malinkhuma Yakuyamba mu Dezembro

“Tinkucita basa lakuthandiza mabanja. Abereki azinji wambafuna kuti wana wawo wambafune Mulungu. Kodi munkumbuka kuti abereki wan’funika kupfunzisa wana wawo, ayai wanawo wan’funika kupfunza wokha kufuna Mulungu?” Dikhirani atawire. Latizani kumbuyo kwa Nsanja ya Olonda ya 1 Dezembro, ndipo cezeranani nfundo zomwe ziri pansi pa mbvunzo wakuyamba muciwerenga libodzi mwa mavesi yakusaya kuphatidwa mafala. Gawirani marevistayo ndipo konzani bza kudzabwerera pomwe kuti mudzacezerane mbvunzo wa patsogolo pace.

The Watchtower 1 Dezembro

“Tinkuzungira wanthu pakulewa bza Mulungu. Timbadziwa kuti ali-wense ana nzeru zace pakulewa bza Mulungu. Kodi munkukumbuka kuti wanthu azinji ambawona kuti iye ni mphanvu yakudabwisa yacirengedwe ayai ni xamwali womwe ambasamala ali-wense payekha? [Dikhirani atawire.] Vesi la m’Bibliyali limbatiuza kuti ni uxamwali bwa mtundu uponi bomwe iye an’funa kuna ifepano na iye. [Werengani Tiyago 4:8a.] Revistayi inkufotokoza bzinthu bzitatu bzomwe tingacite kuti tifendererane na Mulungu.”

Galamukani! Dezembro

“Tinkuzungira wanthu mwacigwatho thangwe ra thupo na bvuto linango la matenda yakudziwika. Mwakubverana na Gulu Lapadziko lense la Zaumoyo, matenda yakuneseka na bzakukumbuka, yambaphata m’bodzi mwa wanthu anayi pa nthawe inango ya moyo wawo. Kodi munkumbuka kuti matenda yakuneseka na bzakukumbuka yankuthumizirika kwene-kwene? [Dikhirani atawire.] Bibliya limbatipasa cidikhiro ca kuti kutsogolo, moyo padziko lapansi un’dzakhala lini pomwe na matenda na bzakupweteka. [Werengani Cibv. 21:3, 4.] Revistayi inkufotokoza bzinthu bzinango bzomwe ali-wense an’funika kudziwa bza matenda yakuneseka na bzakukumbuka.”