Bziratizo bza Upalizi

Kuyambisa Mapfunziro ya Bibliya pa Nsiku ya Malinkhuma Yakuyamba mu Maio

“Tinkuzungira wanthu mu nthawe yakucepa kuti ticeze bza mbvunzo womwe umbanesa wanthu wazinji. [Mulatizeni mbvunzo wakuyamba womwe uli pa tsamba lakumalizira la Nsanja Ya Olonda ya 1 Maio.] Kodi nzeru yanumbo njiponi?” Dikhirani atawire. Fokotozeranani nfundo zomwe ziri pansi pa mbvunzo wakuyamba na kuwerenga naye vesi libodzi. Musiyireni marevistayo, mucipangana kudzamuzungira pomwe kuti mudzacezerane mbvunzo wakutewera.

Nsanja ya Olonda 1 Maio

“Tinkuzungira wanthu mwakusaya kutenga nthawe thangwe ra kuti wazinji wambafuna kudziwa bzomwe bziri kutsogolo. Kodi mumbabva tani mukambakumbuka bza kutsogolo? Mumbakhala wakulimba mtima ayai wa mantha? [Dikhirani atawire. Tsapano werengani vesi libodzi la kwadru yakuti ‘Bzomwe Mulungu Adazimbula bza Kutsogolo.’] Revistayi inkufokotoza bzinango mwa bzinthu bzomwe Mulungu adalewa bzomwe bzin’dzacitika ndipo inkufokotozambo thangwe race tingatsimikize kuti bzimwebzo bzin’dzacitikadi.”

Galamukani! Maio

“Tinkuzungira wanthu mu nthawe yakucepa kuti tiwathandize momwe wangacitire pomwe wapanikizika. Kodi mumbawona kuti wanthu wambakhala wakupanikizika lero kuposa kale? [Dikhirani atawire.] Wanthu wazinji wambawona mafala yakugumanika m’Bibliya kukhala yakuthandiza pa kulimbana na kupanikizika. Wonani ciratizo cibodzici. [Werengani Mateu 6:34.] Revistayi inkufotokoza momwe mitemo ya m’Bibliya ingatithandizire momwe tingalimbanire na bzinthu bzinai bzomwe bzimbayambisa kupanikizidwa.

Dziwani ibzi: Revistayi ingakwewe kaso maka-maka kwa wanthu wa m’makampani.