Bziratizo bza Upalizi

Kuyambisa Mapfunziro ya Bibliya pa Nsiku ya Malinkhuma Yakuyamba mu Outubro

“Tinkundozungira wanzathu lero m’nthawe yakucepa. Wazinji womwe talalewa nawo kale, walewa kuti pa mabvuto yense, bvuto likulu lomwe wambagwedwa nalo ni kusaika kwa wakufunidwa wawo. Kodi mumbakumbukambo tenepoyo? [Dikirani atawire.] Ndawona mafalaya kukhala yakulimbisa kwene-kwene.” Mulatizeni tsamba lakumalizira la Nsanja ya Olonda ya 1 Outubro, mucicezerana naye pa mbvunzo wakutoma, mucilewengambo vesi libodzi pa yomwe yalipoyo. Perekani marevistayo, mucicita makonzedwe yakudzacezerana mbvunzo munangoyo.

Nsanja ya Olonda 1 Outubro

“Tinkuzungira wanthu m’nthawe yakucepa kuti tiwalimbise kulewenga Bibliya. Tin’dziwa kuti wanthu winango wambaliwona Bibliya kukhala lakufunika; tsono winango walibe nalo basa. Apa tani imwepo? [Dikirani atawire.] Bibliya limbalewa mafala yakulimbisaya. [Lewengani 1 Watesalonika 2:13.] Penu mun’tawira kuti Bibliya ni bukhu lakucokera kwa Mulungu, ndiye kuti iro lin’themera kulewengedwa. Revistayi inkufokotoza mwacigwatira bzomwe Bibliya lense limbalewa na thangwe lomwe tin’funikira kucita nalo cidwi.”

Galamukani! Outubro

“Ndin’funa kubva nzeru yanu pa mbvunzoyu: Kodi bzingakwanisike kukhala wakukondwa penu ndife wakusaya? [Dikirani atawire.] Onani bzomwe Bibliya limbalewa. [Lewengani 1 Timotio 6:8.] Revistayi inkufokotoza kufunika kwa kukhala wacikati-kati pa bzinthu bza kuthupi, ndipo imbalewambo bzinthu bzitanthatu bzakufunika bzomwe bzingagulidwe lini na kobiri.”