Bziratizo bza Upalizi

Kuyambisa Mapfunziro ya Bibliya pa Nsiku ya Malinkhuma Yakuyamba mu Janeiro

“Wanthu wazinji wana nzeru yawo-yawo yakulewa bza Mulungu. Winango wambamukumbukira Mulungu ninga mphanvu yakusaya kudziwika. Wina wambamuwona ninga Baba wa kudzulu wa lufoyi. Kodi imwepo mumbamukumbukira tani Mulungu?” Dikirani atawire. Mulatizeni tsamba lakumalizira la Nsanja ya Olonda ya 1 Janeiro, mucifokotozerana naye pansi pa mbvunzo wakuyamba, na kulewengambo vesi libodzi lakulatizidwa pamwepo. Musiyireni marevistayo, mucipangana kudzamuzungira pomwe kuti mudzacezerane mbvunzo munango.

Nsanja ya Olonda 1 Janeiro

“Tinkuzungira anzathu mu nthawe yakucepa kuti ticeze nawo cinthu cinango comwe cimbacitikira tensenefe—kufa kwa mwanzathu omwe timbam’funa. Kodi mun’tawira kuti kusaikidwa xamwali ayai m’bale wathu n’cinthu cakunesa kwene-kwene kulimbana naco? [Dikirani atawire.] Wazinji wawona vesi la m’Bibliyali kukhala lakutsangalaza kwene-kwene. [Lewengani Zaiya 25:8.] Revistayi inkulewa bza piciro la Bibliya lakutsangalaza la kumala kwa infa na kumuka kwa anzathu womwe wadafa.”

Galamukani! Janeiro

“Kodi mun’tawira kuti mabanja yan’kugumana bzineso bzizinji nsiku zino? [Dikirani atawire.] Mwani m’bodzi wa m’Bibliya, umbatiuza bzomwe mabanja yan’funikira kukhala nabzo kuti yalimbe. [Lewengani Mimwani 24:3.] Wazinji wawona Bibliya kukhala nsansa ya nzeru. Revistayi inkulewa bza Webisaite yakupambulika yakulewa bza Bibliya yomwe ina nkhani za fovolo kuti mabanja yathandizike nayo.”