Bziratizo bza Upalizi

Kuyambisa Mapfunziro ya Bibliya pa Nsiku ya Malinkhuma Yakuyamba mu Fevereiro

“Wanthu womwe talewa-lewa nawo wana makumbukidwe yakusiyana-siyana pa kulewa bza Bibliya. Winango wambakhulupira kuti ni Fala la Mulungu, tsono winangombo wambaliwona ninga bukhu lina liri-lense. Kodi imwepo mumbaliwonambo tani?” Dikirani atawire. Mulatizeni tsamba la kumalizira la Nsanja ya Olonda ya 1 Fevereiro, mucicezerana naye pa mbvunzo wakutoma, mucilewengambo vesi libodzi pa yomwe yalipoyo. Perekani marevistayo, mucicita makonzedwe ya kudzacezerana mbvunzo munangoyo.

Nsanja ya Olonda Fevereiro 1

“Wanthu wazinji wan’funa kuwona kumala kwa nkhondo. Mun’kumbuka kuti mtendere wa pa dziko lense ungakwanisikedi? [Dikirani atawire.] Bvani bzomwe vesili limbapicira. [Lewengani Psalymo 46:9.] Bzomwe bzidacitika pa Nkhondo Yakutoma ya pa Dziko Lense na patsogolo pace, bzimbatipasa citsimikizo cakuti tsapanopapa Mulungu an’dzakwanisa polofesiyayi na kumalisa nkhondo mpaka kale-kale. Revistayi inkufokotoza bzimwebzi.”

Galamukani! Fevereiro

“Tinkuzungira wanthu kuti ticeze nawo mu nthawe yakucepa bza bvuto lomwe liri pense-pense. Bzinkuwoneka ningati tinkusaya nthawe ya kucita bzinthu bzense. Mun’kumbuka kuti ni thangwe ra kuti tina bzizinji bzakucita ayai ni thangwe ra kuti timbataya nthawe izinji? [Dikirani atawire.] Wanthu wazinji wambadziwa lini kuti Bibliya limbapereka malango yabwino yomwe yangatithandize kuphatisa basa bwino nthawe yathu. Onani ciratizoci. [Lewengani Wafiripo 1:10a.] Revistayi inkufokotoza njira zinai zomwe zathandiza wanthu wazinji kuphatisa basa mwanzeru nthawe yawo.”