Kufotokoza Bzomwe Timbakhulupira Pakulewa bza 1914

Bibliya limbatilimbisa kukhala ‘wakukonzeka nthawe zense kutawira’ bza cikhulupiro cathu, ‘mwakuderekha, na mwaciremekezo cikulu.’ (1 Pe. 3:15) N’cadidi, tingagumane na bzineso pakufotokoza mwakubveka bwino cadidi ca m’Bibliya, ninga momwe tinkudziwira kuti Umambo budayamba kutonga mu 1914. Pakufuna kutithandiza, pankukonzedwa nkhani ya mbali ziwiri ya msolo wakuti “Kuceza na munthu​—Kodi ni lini Pomwe Umambo bwa Mulungu Budayamba Kutonga?” Mbali zimwezi zin’kugumanika mu Nsanja ya Olonda yomwe tin’gawira mu utumiki bwathu mkati mwa Outubro na Novembro. Pomwe munkuwona nfundo zimwezi, onanimbo mibvunzo inkutewerayi yakucitidwa na Cameron, mpalizi wa cakucitikaco.

Kodi iye adalatiza tani. . .

• kutenda kuti ayambise nkhani?​—Mab. 17:22.

• kubzicepesa pa kufotokoza cikhulupiro cace?​—Mab. 14:15.

Thangwe ranyi bzidakhala bwino kuti iye . . .

• akhambabwerezera nfundo zinango anati kulewa nfundo zakuthumizirika?

• akhambayima nthawe na nthawe acimbabvunza penu mweneciro nyumbayo ankubvesesa bzomwe iye akhadamala kumupfunzisabzo?

• alibe kulewalewa nfundo zizinji pa kucezerana kabodziko?​—Juwau 16:12.

Tingakhale wakukondwa kwene-kwene kupfunzisidwa na Yahova, ‘Mpfunzisi wathu Mkulu,’ momwe tingafotokozere mwakuzika cadidi ca m’Bibliya kuna womwe ana njala!​—Zai. 30:20.