Bziratizo bza Upalizi

Nsanja ya Olonda 1 Outubro

“Tinkulatiza nkhani ya bwino kwene-kwene kwa munthu ali-wense, yomwe inkugumanika mu Nsanja ya Olonda ino. [Mulatizeni tsamba lakuyamba.] Wanthu winango ambakumbuka kuti kucita mpembo n’kundotaya nthawe, thangwe palibe omwe ambatetekera. Winango ambakhulupira kuti Mulungu ambabva mipembo yawo. Kodi imwepo mumbakumbukambo tani? [Dikhirani atawire.] Onani bzomwe Bibliya limbalewa pa nkhani ya mpembo. [Werengani Zaiya 30:19.] Revista ino inkupereka umboni mwakubveka bwakuti Mulungu ambabva ndipo ambatawira mipembo yomwe imbaperekedwa mu njira yakuthemera na yakukumbira bzinthu bzabwino.”

Galamukani! Outubro

“Tinkuzungira anansi wanthu mwacigwatho thangwe azinji wa iwo ambadabwa pakufuna kudziwa thangwe lomwe linkucitisa kuti Mulungu alekerere kubonera. Kodi imwepo mumbakumbuka kuti kucita mibvunzo ninga imweyi kuna Mulungu kungakhale kusaya ulemu? [Dikhirani atawire.] Munthu wakulungama Djobi adafotokoza makumbukidwe yace kuna Mulungu. [Werengani Djobi 23:3-5.] Revistayi inkutawira mibvunzo mitatu yomwe wanthu azinji angadafuna kubvunza Mulungu, penu Iye angadawapasa mpata, ndipo revistayi inkutawirambo mibvunzoyo mwakubveka bwino mwakuphatisa basa Bibliya.”