Kodi Mun’dzacemera Mbani?

Gole liri-lentse timbacita nyongo yakucemera wanthu wa mu gawo lathu kuti adzakhale nafe pa msinda wa Cikumbuso ca infa ya Jezu. Azinji wa iwo ni wanthu wacirendo kwa ifepano. Tsono m’mbuto mwakucemera wanthu wa m’gawo lathu lokha, tin’funikambo kucemera wanthu omwe timbawadziwa. Wanthu akacemeredwa na munthu omwe ambamudziwa, bzimbakhala bzakusaya kunesa kubwera ku msindayu. (yb08-T tsa. 11 ndi. 3; tsa. 14 ndi. 1) Kodi imwepo mungacemere mbani?

• Adzinza

• Anzanu wa ku xikola ayai anzanu wa kubasa

• Avizinyu wanu

• Maulendo yakubwereza, anyakupfunza wanu wa Bibliya ayai wanthu omwe mukhapfunza nawo Bibliya

Kuthimizira bzimwebzi, akulu an’dzacemerambo wale omwe adadjedjera mwauzimu. Tsono mungacite tani penu wanthu omwe mun’funa kuwacemerawo ambakhala lini m’gawo lanu? Imwepo mungadziwe mbuto na nthawe ya msindayu pafupi na komwe wanthuwo ambakhala mwa kupita pa webisaite yathu ya jw.org. Tinyani pomwe padanemba kuti BZA IFE ndipo mukamala, tinyani pomwe padanemba kuti “Cikumbuso.” Pa kukonzekera ntsiku yakufunikayi, kumbukirani bza wale omwe mukufuna kuti adzagumanikembo, ndipo konzani bzakuti mukawapasire mcemo cikumbuso.