N’ciyani Comwe Mukufuna Kucita mu Gole la Basa Lomwe Likubwerali?

Cakulinga cauzimu ni cinthu ciri-centse comwe tingacite kuti titumikire Yahova na mtima wentse na kumukondwesa. Kukhala na cakulinga cauzimu kumbaticitisa kuti tiyende patsogolo mwauzimu. Ndipo kuti bzimwebzi bzikwanisike pambafunikira nthawe na nyongo. (1Ti 4:15) Thangwe ranyi tin’funika kumbakumbukira bza cakulinga cathu? Tin’funika kucita bzimwebzi thangwe bzinthu bzimbacinja. Bzomwe ifepano tikhafuna kubzicita m’mbuyomu tingakwanise lini kubzicita ayai pinango bzomwe tikhafuna kucitabzo tabzicita kale ndipo tin’funika kukhala na cakulinga cinango.

Nthawe yabwino yomwe tingacite bzimwebzi ni pomwe gole lipsa la basa likanati kufika. Mungacite bzimwebzi pa kunamata kwanu kwa pa banja, ndipo mungacezerane bzinthu bzomwe imwepo na banja lanu mungadzafune kucita.

Kodi n’ciyani comwe imwepo mukufuna kucita pa bzinthu ibzi?