Nkhani Zomwe Mungapfunze

Mbasankhulani Bzinthu Bzomwe Mpsakufunika Kuti Mupfunze

Mpsakunesa kukhala na nthawe yakucita pfunziro la patekha. Kodi tingaphatise tani bwino basa nthawe yomwe tinayo? Mbakhalani na nthawe yakukwanira yakuti muwerenge. Mukambapfunza bzinthu bzing’ono-ng’ono mwakusaya kuthamanga-thamanga mun’dzabvesesa bzomwe mwapfunzabzo.

Mbakumbukirani bzinthu bzomwe mpsakufunika kwene-kwene. (Aefezo 5:15, 16) Bzinango mwa bzinthu bzomwe mungacite mpsibzi:

• Mbawerengani Bibliya ntsiku zentse. (Salimo 1:2) Imwepo mungambawerenge makapitulo yomwe timbapfunza pa mitsonkhano ya pakati pa sumana.

• Mbakonzekerani Pfunziro la Ntsanza ya Mulindiri na mitsonkhano ya pakati pa sumana. Ndipo mbakhalani wakukonzeka kutawira. — Salimo 22:22.

• Mukakhala na nthawe, mbawerengani marevista yakugawira, nkhani za mu jw.org na kuwonambo mavidiyo.

• Mbafufudzani nkhani yomwe yakudekerani. Mungafufudze nkhani zakulewa bza mabvuto yomwe mukugumana nayo, mbvunzo omwe munawo ayai nkhani ya m’Bibliya yomwe mukufuna kuibvesesa bwino. Kuti mudziwe bzomwe mungacite, onani nkhani yakuti “Bzomwe Mungacite Pakupfunza Bibliya” mu jw.org.