Momwe Mungafufudzire Nkhani

Bzomwe Wana Angaphatise Basa pa Kupfunza

Abereki ana udindo bukulu kwene-kwene bwakupfunzisa wana wawo bza Yahova. (Aefezo 6:4) Gulu la Yahova limbakonza bzinthu bzakusiyana-siyana kuti bzithandize abereki pa kupfunzisa wana wawo. Kodi mungaphatise tani basa bzinthu bzimwebzi kuti mupfunzise wana wanu?

• Mbawonani bzinthu bzomwe bziripo. Mu webisaite ya JW.ORG muna bzinthu bzentse bzomwe bzidakonzedwera wana, kuphatanidzambo mavidiyo na matsamba yomwe yana nkhani zomwe iwo anganembe.a Kuti mugumane bzinthu bzimwebzi, munganembe pa mbuto yakufufudzira kuti “Wana” ayai “Maswaka.”

• Sankhulani bzinthu bzomwe bzingathandize wana wanu. Mungapite pa webisaite yathu ya Chichewa pa mbali yakuti “Ana,” ndipo mungasankhule mavidiyo, nyimbo na mabasa yakuti mwana wanu acite. Kuti mugumane bzinthu bzimwebzi, mungafufudze pa mbali yakuti “Zochita pa Kulambira kwa Pabanja.”

• Mbakhalani na nthawe yakuceza na mwana wanu. Lekani kumbaphatisa basa mavidiyo ayai kupasa mwana wanu matsamba kuti anembe na cakulinga cakuti aleke kukusokonezani. M’mbuto mwace, mbacezani na mwana wanu mucimuthandiza kukhala pa uxamwali bwakulimba na Yahova.