Gumanani Cuma Cauzimu Comwe Mungaciphatise Basa

Tikambawerenga Bibliya timbafufudza cuma cauzimu cakufunika kwene-kwene. Kodi tingagumane phindu liponi?

Fufudzani nkhani zakuzika za m’Bibliya kuti muzibvesese bwino. Mwa ciratizo, dziwani omwe adanemba nkhaniyo, adanembera yani ndipo ni lini pomwe idanembedwa. Kodi bzinthu bzikhali tani pakuyamba na pambuyo pace?

Zindikirani bzomwe mukupfunza mwakufufudza mibvunzo ninga iyi: ‘Kodi wanthu omwe akhafotokozedwawo akhabzibva tani? Kodi akhana makhalidwe yaponi? Thangwe ranyi nin’funika kutewezera makhalidwe yamweya ayai kutcenkha kukhala nayo?’

Phatisani basa bzomwe mwapfunza pomwe muli mu upalizi ayai pomwe mukuceza na anzanu. Mukacita bzimwebzi, mun’dzalatiza kuti imwepo mukuphatisa basa nzeru zakucokera m’Bibliya. Iro limbati: “Munthu wanzeru an’dzawona bzinthu bzimwebzi.” — Salimo 107:43.

• Bzomwe mungacite: Onani momwe mungaphatisire basa bzomwe mwapfunza pa mbali ya Cuma ca m’Fala La Mulungu pa mitsonkhano ya pakati pa sumana. Nthawe zentse pa mbali imweyi pambakhala na mibvunzo yomwe mungambabzibvunze mwekha, nfundo zomwe mungambazikumbukire na bziratizo bzomwe mungacezerane.