PFUNZIRO 1

Kodi Mulungu Ambalewalewa Tani na Ifepano?

Mulungu ambalewalewa nafe mwakuphatisa basa Bibliya. 2 Timotio 3:16

Kucokera pa mpando wace waumambo, Yahova ankutsogolera wanthu kuti anembe Bibliya

Mulungu wacadidi adatsogolera wanthu kuti anembe nzeru zace m’bukhu lakupambulika. Bukhulo ni Bibliya. Iro lina nkhani zakufunika kwene-kwene zomwe Mulungu an’funa kuti imwepo mudziwe.

Mulungu ambadziwa bzomwe mpsabwino kwa ifepano. Mungamutetekera, imwepo mun’dzakhala munthu wanzeru kwene-kwene.—Mimwani 1:5.

Bibliya m’bzirewedwe bzizinji; mwamuna ankuwerenga Bibliya m’cirewedwe cace

Mulungu an’funambo kuti wanthu wense awerenge Bibliya. Bibliyalo linkugumanika tsapano m’bzirewedwe bzizinji.

Kuti mutetekere Mulungu, imwepo mun’funika kuwerenga Bibliyalo na kulibvesesa.

Pa dziko lense la pansi wanthu ankutetekera Mulungu mwa kupfunza Bibliya. Mateu 28:19

Mboni ya Yahova inkuwerengera munthu vesi libodzi, ndipo patsogolo pace inkupfunza naye Bibliya

Mboni za Yahova zingakuthandizeni kulibvesesa Bibliya.

Izo zimbapfunzisa cadidi cakulewa bza Mulungu pa dziko lense la pansi.

Mboni za Yahova zinkutsonkhana mu Nyumba ya Umambo

Mun’dzafunikira lini kulipira kuti mupfunzisidwe. Ndipo imwepo mungapfunzembo bza Mulungu ku mitsonkhano ya Mboni za Yahova.