KUTAWIRA MIBVUNZO YA M’BIBLIYA

Kodi tingadziwe tani cadidi cakulewa bza Mulungu?

Mulungu akhalewalewa na wanthu. Iye akhaphatisa basa mzimu wace wakucena, kuti ayikhe makumbukidwe yace kwa wanembi wa Bibliya. (2 Pedru 1:20, 21) Tingakhale na cidziwiso cadidi pakulewa bza Mulungu mwa kuwerenga Bibliya.​—Werengani Juwau 17:17; 2 Timotio 3:16.

Mu Bibliya, Mulungu ambazimbula bzinthu bzizinji pakulewa bza iye. Iye ambabzidziwikisa thangwe rakuti adalenga moyo wathu, bzomwe iye an’dzacitira wanthu kutsogolo, na moyo omwe iye an’funa kuti tikhale nawo. (Mabasa 17:24-27) Yahova Mulungu an’funa kuti ifepano tidziwe cadidi cakulewa bza iye.​—Werengani 1 Timotio 2:3, 4.

Thangwe ranyi Mulungu ambatambira na manja mawiri wanthu womwe ambafuna cadidi?

Yahova ni Mulungu wacadidi, ndipo adatumiza Mwana wace Jezu, kuti apfunzise wanthu cadidi. Tenepo, wale womwe ambafuna cadidi ambatewera Jezu. (Juwau 18:37) Yahova akufuna wanthu ninga amwewa kuti akhale anyakumunamata wace.​—Werengani Juwau 4:23, 24.

Sathani Dyabu ankumwaza bzipfunziso bzakunama pakulewa bza Mulungu bzomwe bzacitisa wanthu azinji kukhala kutali na Mulungu. (2 Wakolinto 4:3, 4) Wanthu womwe ambafuna lini bzinthu bzabwino ambatengeka na bzipfunziso bzakunama bzimwebzi. (Waroma 1:25) Koma wanthu bzulu na bzulu wa mitima yabwino wagumana cadidi pakulewa bza Mulungu mwa kupfunza Bibliya.​—Werengani Mabasa 17:11.

Kuti mudziwe bzinango, onani msolo 1 wa m’bukhuli, Kodi Bibliya Limbapfunzisa Ciyani Maka-maka?, lomwe ndakukonzedwa na Mboni za Yahova

Linkugumanikambo pa www.jw.org/nyu

[Cithunzi-thunzi pa tsamba 32]

Thangwe ranyi Mulungu an’funa kuti tidziwe cadidi? Werengani Juwau 17:3