BZIPEREKENI MU UTUMIKI BWAKUMUNDA | MBAKONDWANI KWENE-KWENE MU UTUMIKI
Thandizani Anyakupfunza Wanu wa Bibliya Kuti Ambayende ku Mitsonkhano
Mitsonkhano yathu ya gwere ni mbali yakufunika pa kunamata kwathu kwakucena. (Sl 22:22) Wentse omwe ambatsonkhana kuti anamate Yahova ambakhala wakukondwa ndipo ambasimbidwa. (Sl 65:4) Kawiri-kawiri anyakupfunza wa Bibliya ambayenda patsogolo mwakamkulumize akakhala kuti akugumanika pa mitsonkhano nthawe zentse.
Kodi mungathandize tani anyakupfunza wanu wa Bibliya kuti ambayende ku mitsonkhano? Mwa kupitiriza kumbawacemerera ku mitsonkhanoko. Alatizeni vidiyo yakuti N’ciyani Cimbacitika mu Nyumba ya Umambo? Afotokozereni phindu lakugumanika pa mitsonkhano. (lff pfunziro 10) Afotokozereni nfundo zomwe mwapfunza pa mitsonkhano ayai mungawafotokozere bzomwe bzin’dzapfunzidwa pa mtsonkhano wakutewera. Pasani anyakupfunza wanu wa Bibliya mabukhu yomwe yan’kaphatisidwa basa ku mitsonkhanoko. Ndipo athandizeni akafunikira thandizizo kuti agumanike ku mitsonkhano, ninga buleya. Nyongo iri-yentse yomwe mun’dzacita in’dzaphata basa, nyakupfunza wanu akagumanika pa mitsonkhano kakuyamba.—1 Ako. 14:24, 25.
ONANI VIDIYO YA MSOLO WAKUTI THANDIZANI ANYAKUPFUNZA WANU WA BIBLIYA KUTI AMBAYENDE KU MITSONKHANO, MUKAMALA BVUNZANI ABVESERI KUTI:
Kodi Rita adaphatisa basa mpata uponi kuti acemerere Duminga ku mitsonkhano ya gwere?
Thangwe ranyi timbakomedwa tikawona kuti nyakupfunza wa Bibliya akufika pa mitsonkhano?
“Kulewa cadidi, Mulungu ali pakati panu”
Kodi n’ciyani comwe Duminga adakwanisa kuwona pomwe adafika ku mitsonkhano kakuyamba?