Thandizani Anyakupfunza Wanu wa Bibliya Kukunda Bzizolowezi Bzakuipa

Kokha wale omwe ambacita bzinthu bzabwino, ndiwo angakhale pa uxamwali bwabwino na Yahova. (1Pe 1:14-16) Anyakupfunza wa Bibliya akakwanisa kukunda bzizolowezi bzawo bzakuipa ambagumana phindu likulu, ambakhala na banja labwino, na moyo wabwino.

Thandizani anyakupfunza wanu kudziwa mitemo ya Yahova, kubvesesa thangwe ranyi imbaperekedwa, na phindu lomwe angakhale nalo akambaiteweza. Thandizani anyakupfunza wanu kucinja kakumbukidwe kawo, ndipo iwo an’dzakwanisa kucita bzomwe Yahova ambafuna. (Aef 4:22-24) Atsimikizireni kuti na thandizo la Yahova iwo angakwanise kukunda bzizolowezi bzakuipa bzomwe akhala nabzo m’nthawe itali. (Afi 4:13) Auzeni kuti ambadandaulire Yahova nthawe zentse kuti awathandize akakhala akufuna kucita cinthu cakuipa. Athandizeni kuzindikira bzinthu bzomwe bzingawacitise kuti aphonyere Mulungu. Alimbikiseni kuti ambacite bzinthu bzomwe bzingawabweresere phindu m’mbuto mwakucita bzinthu bzomwe mpsakuipa. Imwepo mun’dzakomedwa kwene-kwene kuwona momwe Yahova akuthandizira nyakupfunza wanu wa Bibliya kucinja.

ONANI VIDIYO YA MSOLO WAKUTI THANDIZANI ANYAKUPFUNZA WANU WA BIBLIYA KUKUNDA BZIZOLOWEZI BZAKUIPA, MUKAMALA BVUNZANI ABVESERI KUTI:

• 

  Kodi Rita na akulu wa gwere alatiza tani kuti akhakhulupira Duminga?

• 

  Kodi Rita adathandiza pomwe Duminga mwa njira iponi?

• 

  Kodi Duminga adanyang’ana tani thandizo la Yahova?