E Rhe Ruẹ Ena Ọwan Uvuẹn Owian Aghwoghwo Na Rhomẹrhọ—Ra Ha Enọ Ri Mwidjẹn Ruiruo

OBORẸ ỌSORIẸ ỌGHANREN: Orhianẹ “iroro ri ha ọmudu onyakpọ ọ họhọ ame okokodo,” nọyẹ, enọ ni họhọ ukoroba ra na ha vo aye phia. (Pr 20:5) Enọ a ha userhumu rẹn ọwan lẹrhẹ era kerhọ vwobọrhọ ẹmro na. Ẹkpahenrhọ harẹn enọ ri serhọ a ha uyono eghoghanren phia. Jesu ọ ha enọ ri mwidjẹn ruiruo. Marhẹ ọwan ine ru hẹrokelie?

OBORẸ ENE RUIE LELE:

• Nọ enọ oniso. Jesu ọ nọ enọ sansan ri mwidjẹn neneyo ọ sabu rhe oborẹ idibo enẹyen i roro kpahen ẹmro aye a ta. (Mt 16:13-16; be 238 ¶3-5) Me yẹ enọ oniso wu na sabu nọ?

• Nọ enọ ri guọlọ ẹkpahenrhọ ri serhọ. Ni Jesu ọ sabu kpọ iroro i Peter vi, nọ nọriẹn enọ jeghwai ha ẹkpahenrhọ ri serhọ phia neneyo ọ sabu brorhiẹn rọ gbare. (Mt 17:24-26) Enọ ri guọlọ ẹkpahenrhọ ri serhọ ego ye wu na sabu nọ, ne wu ha userhumu rẹn ohworho brorhiẹn rọ gbare?

• Kpẹmẹ ọrọ kerhọ. Ọke ọyẹbe owu ọ ha “ẹghwanren kpahenrhọ” onọ, Jesu nọ kpẹmeriẹn. (Mr 12:34) Marhẹ wu ne ru kpẹmẹ ohworho rọ kpahenrhọ onọ?

NI OBỌRẸ UKARO UVUẸN IVIDIO NA, WIAN OWIAN I JESU Ọ WIANREN—YONO, ORHO RU GBA KPAHENRHỌ ENỌ ENANA:

• Mesoriẹ udje ọnana orhiẹ udje uyono ro vwo serhọ, dedevwo iyẹnrẹn na ọ gbare?

• Mesoriẹ o fo ne ru vrẹn ọrẹ ene dje iyẹnrẹn na fiotọre?

NI OBỌREVA UVUẸN IVIDIO NA, ORHO RU GBA KPAHENRHỌ ENỌ ENANA:

• Marhẹ omizu na ọ ha enọ ri mwidjẹn ruiruo lele?

• Eghọn erọrọ ego uvuẹn uyono ọnẹyen yẹ ọwan ina sabu hẹrokele?