Ha Ọbe na Riamerhen Akpenyerẹn Bẹmẹdẹ! Bọn Esegburhomẹmro Kpahen i Jehova Ọrhẹ i Jesu

Nẹ emọ uyono i Baibol i sabu lẹrhẹ oma merhẹn Osolobrugwẹ, aye ine vi vwo esegburhomẹmro ọgbogbanhon. (Heb 11:6) Ana sabu ha ọbe na Riamerhen Akpenyerẹn Bẹmẹdẹ! te ọmudu ihworho re yono. Ọbe ọnana o vwo ekete i Baibol kirighwo, iroro ri dabu serhọ, enọ ri mwidjẹn, ividio ra ghwa oruru rhẹ ohworho oma, ọrhẹ ifoto irhorhomu. Arha ha userhumu rẹn ere yono nẹ aye i vwo iruemru Ilele Kristi ji vwo onyerẹnkugbe rhẹ Osolobrugwẹ, na na lẹrhẹ aye gbanhon nẹ aye i sabu dẹrughwaroghwu edamuni obaro na.—1Co 3:12-15.

Ọ bẹn rẹ ihworho ezẹko ine vwo imwẹro taghene aye ina sabu rhiẹ ugbehian ohworho aye i vwa mẹrẹn. Omarana, o fori na ha userhumu rẹn aye bọn esegburhomẹmro kpahen iruemru irhorhomu i Jehova.

NI IVIDIO NA HA ỌBE NA “RIAMERHEN AKPENYERẸN BẸMẸDẸ!” BỌN ESEGBURHOMẸMRO KPAHEN I JEHOVA, ORHO RU GBA KPAHENRHỌ ENỌ ENANA:

• Marhẹ e ru rhe taghene omizu ọmase na ọ dabu mwuegbe hẹrhẹ uyono na?

• Marhẹ omizu na o ru ha enọ ri serhọ guọlọ oborẹ ohworho ro yono na o roro kpahen Isaiah 41:10, 13?

• Marhẹ oma o ruẹ ọmọ uyono i Baibol na ọke aye e ni ividio na hin ji se ekete i Baibol na?

Ihworho buebun e vwẹruọ oborẹ otan na o mevirhọ-ọ, yanghene aye i vwe nie rhẹ ẹghẹlẹ rẹ Osolobrugwẹ ọ yẹrẹ ọwan owuowọnwa-an. (Ga 2:20) Omarana, ana vi ha userhumu rẹn aye bọn esegburhomẹmro kpahen izobo otan i Jesu.

NI IVIDIO NA HA ỌBE NA “RIAMERHEN AKPENYERẸN BẸMẸDẸ!” BỌN ESEGBURHOMẸMRO KPAHEN I JESU, ORHO RU GBA KPAHENRHỌ ENỌ ENANA:

• Marhẹ e ru rhe taghene omizu ọhworhare na ọ dabu mwuegbe hẹrhẹ uyono na?

• Marhẹ o ru ha ekwakwa ri ha otọre urhomu-ẹmro na “Guọlọ Iyẹnrẹn Erọrọ” ha userhumu rẹn ohworho ro yono na?

• Mesoriẹ ẹrhomo ẹnẹ ọ ghanren rẹn ọmọ uyono i Baibol na?