Ha Ọbe Ọrhẹ Ibroshọ na Riamerhen Akpenyerẹn Bẹmẹdẹ! Ruiruo Uvuẹn Aghwoghwo

Ọ merhen oma omamọ taghene e vwo ibroshọ ọrhẹ ọbe ọkpokpọ re ne yono ihworho i Baibol na! Ame a rẹ i Jehova nọ ha ebrurhọ rẹn omẹdamu ọwan, na sabu ruẹ idibo bunrhọ. (Mt 28:18-20; 1Co 3:6-9) Marhẹ ene ru ha ibroshọ ọrhẹ ọbe ọkpokpọ ọnana ruiruo?

Ra mẹriẹn taghene oborẹ ana ha ọbe na Riamerhen Akpenyerẹn Bẹmẹdẹ! ruiruo lele ọ vẹnẹren, gba nyalele ọkpọvi enana ọke we mwuegbe rhẹ ọbe na ọrhẹ ọke wa ha uyono i Baibol phia.a

• Se oghwẹmro na, jeghwai ta kpahen enọ na

• Se ekete i Baibol ra djokarhọ taghene e “se” na, ne wu ha userhumu rẹn ọrẹ we yono vwẹruọ oborẹ o ru sekpahiẹn

• Kporo ji ta kpahen ividio ri havwiẹ, ne wu ha enọ ri sekpahiẹn ruiruo

• Damoma nẹ are i yono urhomu-ẹmro ri ha uvuẹn oghọn owuowu hin

Kiki tiobọnẹ ibroshọ na rẹn ohworho vwẹre, ne wu rhe sẹ o vwo omamerhomẹ kpahen uyono na. (Se ekpeti na “Oborẹ Ene ru Tiobọnẹ Ibroshọ i Riamerhen Akpenyerẹn Bẹmẹdẹ! Uvuẹn Aghwoghwo” rọ ha aruọbe 16.) Orhianẹ are i yono ibroshọ na hin ne, ọravwọ ọrhọ ji guọlọ yono riobarorhọ, gbe tiobọnẹ ọbe na riẹn nẹ are i tonrhọ uvuẹn urhomu-ẹmro ọrẹne. Orhianẹ wa ha ọbe na Me yi Baibol na Ọnọ sabu Yono Ọwan?, Oborẹ Ene Ru Daji Ẹguọlọ Osolobrugwẹ yanghene ẹbe ukoko na erọrọ ha yono ohworho bi, gbe wene uyono na riẹ ọbe ọkpokpọ na, ne wu brorhiẹn ekete are ina tonrhọ.

NI IVIDIO NA OBORẸ UYONO I BAIBOL ỌNỌ ONO RHIRHIẸ, ORHO RU GBA KPAHENRHỌ ENỌ ENANA:

• Me yẹ emọ uyono i Baibol ọwan ine yono nẹ ọbe ọkpokpọ na?

• Mesoriẹ o fo ne wu dje ividio ọnana rẹn ihworho wa guọlọ tuẹn uyono i Baibol aye rhọ obọ?

• Ẹkẹ ego yo fori wu jiri rẹn emọ uyono i Baibol enọ nẹ aye i bru te oma jeghwai nyamwu?—Se ekpeti na “Ẹkẹ Ọrhẹ Oborẹ Ene Yono Uvuẹn Oghọn Owuowu.”