Oborẹ ana ha Kerhọ Osolobrugwẹ—Ruiruo Lele

E ru ibroshọ na Listen to God, na ha ye yono ihworho ri vwa sabu se ẹbe, nẹ aye i sabu rhe kpahen irhomẹmro kirighwo ri ha uvuẹn i Baibol na. Uvuẹn uyono owuowu, a dabu mwuegbe omamọ ifoto ri vwo oka ri na ha uyono na nẹ owu riẹ ọreva ye.

Aruẹ ifoto ri ha uvuẹn ibroshọ na Kerhọ Osolobrugwẹ Neneyo Wu Nyerien Bẹmẹdẹ yi ji ha uvuẹn Listen to God, Ọrẹn, ẹmro ri ha uvuẹn ibroshọ na Kerhọ Osolobrugwẹ Neneyo Wu Nyerien Bẹmẹdẹ, i bunrun, ana sabu ha ye yono ihworho ra sabu se ẹbe. Ighwoghwẹmro ezẹko a mọrẹn ibroshọ na Kerhọ Osolobrugwẹ Neneyo Wu Nyerien Bẹmẹdẹ, ọrẹn, ọrẹ aye e yono na ọ mọrẹn ibroshọ na Listen to God. Aruọbe ezẹko i vwo ekpeti ri vwo ibiẹ iyẹnrẹn ra na sabu ta kpahen, sekpahen omẹgbanhon irherhe ọrẹ we yono na.

Wu na sabu fi owu usuẹn ibroshọ eva enana rhẹ ada, ọrhọ tobọ rhianẹ rhẹ aye ye ne fi rhẹ ada uvuẹn ubiamo na-a. Ọke rẹ wa rha ha uyono i Baibol phia, dabu ha ifoto na dje iyẹnrẹn rọ ha uvuẹn i Baibol na fiotọre. Nọ enọ nẹ ọrẹ we yono na nọ sabu vwobọrhọ uyono na, jenẹ o mwẹro taghene ọ dabu vwẹruọ uyono na. Se jeghwai ta kpahen ekete i Baibol re ha uvuẹn obotọre aruọbe owuowu. Are i rhe yono ibroshọ na hin, gba tuẹn ọbe na What Does the Bible Really Teach? yanghene What Can the Bible Teach Us? rhọ, neneyo ọrẹ we yono na ọ sabu ru riaro te erhirhiẹ omebrurhame.