Oborẹ Ene ru Din Osehiẹn

Se Genesis 37:​23-28; 39:​17-23 orhianẹ wu guọlọ yono nẹ udje i Joseph kpahen oborẹ wu ne ru din osehiẹn.

Dabu ni ekete i Baibol na so. Mesoriẹ awọrọ e sehiẹn i Joseph? (Gen. 37:​3-11; 39:​1, 6-10) Marhẹ i Joseph o diẹn osehiẹn jiri te? (Gen. 37:2; 41:46) Me yi Jehova o ru rẹn i Joseph uvwrọke ọrana, me yi Jehova o vwo ru?—Gen. 39:​2, 21; w23.01 17 ¶13.

Guọlọ iyẹnrẹn erọrọ kpahen oghwẹmro na. Dedevwo ane i Potiphar ọ mọrenfian baren i Joseph, ọrẹn o vwo ekete owuorowu uvuẹn i Baibol na rọ tare taghene Joseph ọ chochọn omaye-en. Marhẹ ekete i Baibol enana ine ru ha userhumu rẹn ọwan, vwẹruọ oborẹ ọsoriẹ o vwo fo ne fiẹrorhọ iyẹnrẹn ephian kpahen erhirhiẹ na, yanghene oborẹ ọsoriẹ i Joseph ọ vwọ chochọn omayen? (Prov. 20:2; John 21:25; Acts 21:37) Iruemru ego yi ha userhumu rẹn i Joseph din osehiẹn?—Mic. 7:7; Luke 14:11; Jas. 1:​2, 3.

Djokarhọ iyono na. Nọ oma:

• ‘Osehiẹn ọgo yi mi na sabu dẹrughwaroghwu fọkime mẹmẹ odibo i Jesu?’ (Luke 21:​12, 16, 17; Heb. 10:​33, 34)

• ‘Marhẹ mi ne ru nyerẹn ghele osehiẹn mia dẹrughwaroghwẹ?’ (Ps. 62:​7, 8; 105:​17-19; w19.07 2-7)