Vwo Omwemẹ

Oborẹ i Jesu o Ruru

IVIDIO: Jesu o Yono i Nicodemus

1. Ni IVIDIO na, yanghene se John 3:​1, 2. Orho ru, gbe roro kpahen enọ enana:

1. Mesoriẹ we roro taghene Nicodemus o bru i Jesu nya uvuẹn ason?—Se John 12:​42, 43.

2. Ra mẹriẹn taghene ason yi Jesu ọ vwoma rhẹ i Nicodemus na, marhẹ ọnana o ru djephia taghene o vwo omwemẹ ro no ruẹ idibo?

Me ya na Sabu Yono Mie i Jesu?

2. Erhe vwo omwemẹ ra na ha userhumu rẹn ihworho rhiẹ idibo, ne djephia taghene e vwo ẹguọlọ kpahen aye.

Hẹrokele i Jesu

3. Are i yono uvuẹn ekete ọrhẹ ọke ro serhọ rẹn ohworho wa ha i Baibol yono. Ọnọ sabu sanọ ẹdẹ owu uvuẹn ọkprughwre na, yanghene ọke owu kirighwo uvuẹn ẹdẹ na. Bọgo yọ nọ mai serhọ riẹn, ekete iruo yi, oghwa ye, gbinẹ ekete ọrọrọ? Damoma kwaphiẹ ọke ọnọ rhọ, neneyo wu sabu lelie yono uvuẹn ọke ọrhẹ ekete ro serhọ riẹn.

4. Rhe yonie ọke ephian. Orhianẹ wu vwo uphẹn uvuẹn ọke are i brurhọ-ọ, wu vwa fọkiẹ ọrana dobọ uyono ọkprughwre na ji-i. Ukpomaran, nọ oma:

1. Mi na sabu ha uyono na phia ọke ọrọrọ uvuẹn ọkprughwre na?

2. Mi na sabu ruẹ uyono na nyoma ifonu yanghene itanẹti?

3. Mi na sabu ta rẹn ọwọrọ nọ ha uyono na phia?

5. Rẹ i Jehova nọ yọ uruemru ro serhọ. Nekpẹn userhumu mie i Jehova nọ yọ omwemẹ wu na ha uyono na phia, ọrhọ tobọ rhianẹ ohworho na o vwo yono ọke ephia-an, yanghene ọ bẹn rọ ha uruemru-urhi Baibol ruiruo. (Phil. 2:13) O fiotọre taghene ohworho na o vwo omamọ uruemru buebun; omarana, rẹ i Jehova nọ ha userhumu wẹn tẹnrovi aye.