ENYERẸN ILELE KRISTI

E Rhe Ruẹ Ena Ọwan Uvuẹn Owian Aghwoghwo Na Rhomẹrhọ—Ra Ha Ividio Yono

MESORIẸ ỌGHANREN:

Ividio ọ hobọte ọmudu ihworho fọkiẹ oborẹ aye rhon ọrhẹ oborẹ aye a mẹrẹn. Ọnana ọ dabu lẹrhẹ aye kerhọ jeghwai lẹrhẹ oborẹ aye i rhorin na daji uvuẹn ẹhẹn aye jijiri. Jehova o dje omamọ udje rẹ a ha oborẹ a mẹrẹn ruẹ uyono.—Ac 10:9-16; Re 1:1.

Ividio enana Does God Have a Name?, Who Is the Author of the Bible?, ọrhẹ How Can We Be Sure the Bible Is True? ana sabu ha ye wene uyono 2 ọrhẹ 3 ọre i broshọ Iyẹnrẹn Esiri na. Ividio enana Mesoriẹ Ene Yono I Baibol Na?, Marhẹ Uyono i Baibol Ọhavwọ?, ọrhẹ Me ọyẹ Ruẹ Uvuẹn Aghwẹlẹ Uvie? enana ividio re jirie harẹn ihworho nẹ aye me yono i Baibol na rhẹ ọwan jeghwai rhiẹ iyono ukoko. Ana ji sabu ha ividio ọwan sansan e ruẹ uyono i Baibol.—km 5/13 3.

OBORẸ ENE RUIE LELE:

Danlodu ividio wu na ha ruiruo rhotọre
Mwuegbe onọ owu yanghene eva wu na nọ ọrovwoghwa na, rẹ ividio na ọnọ kpahenrhọ
Are ni ividio na kugbe
Ta kpahen ihwẹmro na

DAMU ỌNANA:

Rhie riẹ oberhumu itrati ọwan owu, ne wu rionbọ rhọ ekete ra na sabu nya ruẹ itanẹti, na mẹrẹn ividio na Mesoriẹ Ene Yono I Baibol Na?
Kporo ividio na How Can We Be Sure the Bible Is True? Jeghwai ha ibroshọ Iyẹnrẹn Esiri na phia, ne wu hunute uyono 3