FIOMA RHẸ IRUO AGHWOGHWO UVIE NA | RUẸ AGHỌGHỌ ỌNỌ UVUẸN OWIAN AGHWOGHWO NA BUNRHỌ
Rhiabọ Dede Userhumu Mie Imizu Ukoko na
Jehova o tiobọnẹ userhumu rẹn ọwan nyoma “okugbe imizu” ri ha akpọ na ephian. (1Pe 5:9) Aye ina sabu ha userhumu rẹn ọwan dẹrughwaroghwu ebẹnbẹn ra mẹrẹn uvuẹn owian aghwoghwo na rhẹ efikparobọ. Jerẹ udje, ọnyikọ Paul ọ mẹrẹn erere nẹ userhumu Aquila ọrhẹ Priscilla, Silas, Timothy, ọrhẹ awọrọ.—Ac 18:1-5.
Marhẹ imizu ri ha ukoko na ine ru ha userhumu wẹn uvuẹn owian aghwoghwo na? Aye ina sabu yọ irorẹdjẹ kpahen oborẹ wu ne ru fi ẹfro ra homaphia kparobọ, oborẹ ene ruẹ ẹrharhumu bru lele, yanghene oborẹ ana ha uyono i Baibol mwu lele ọrhẹ oborẹ ene yono ihworho lele. Roro kpahen owuọwan uvuẹn ukoko ọnọ, rọ nọ sabu yọ userhumu wu guọlọre, ne wu nọ yen nọ ha userhumu wẹn. Itiọrurhomẹmro, are ina mẹrẹn erere nie rhe, ji toroba aghọghọ owuowọnwan.—Php 1:25.
NI IVIDIO NA MẸRẸN AGHỌGHỌ UVUẸN OWIAN RE RUẸ IDIBO NYOMA WU NE RHIABỌ DEDE USERHUMU I JEHOVA—IMIZU ỌWAN, ORHO RU GBA KPAHENRHỌ ENỌ ENANA:
Marhẹ i Neeta o ru damoma rọ nọ lẹrhẹ i Jade rhiẹ uyono ukoko?
Mesoriẹ o fo na ha use rẹn imizu ukoko na erọrọ nẹ aye i lele ọwan yono emọ uyono i Baibol ọwan?
Ọsoso ukoko na ya lẹrhẹ ohworho rhiẹ odibo
Me yẹ emru owu rọ merhen i Jade ọrhẹ omizu rọ kpako ne na oma?
Ena aghwoghwo ego yẹ imizu erọrọ ina sabu yonuo?