Iphuphẹn—Are i ta Ọsoso Ẹhẹn Are Rẹn Eri Vwiẹrẹ Are

Mesoriẹ ọ ghanren ne wu ta iroro enọ rẹn eri vwiẹruọ? (Pr 23:26) Fọkime, Jehova ọ yẹrẹ aye owian rẹ aye ina hẹroto ji kpọvi. (Ps 127:3, 4) Ọnọ bẹn rẹ aye ina ha userhumu wẹn orhianẹ wu vwa ta rẹn aye kpahen oborẹ o kpokpuo ẹhẹn yanghene edamẹ enọ-ọ. Habaye, ẹghwanren aye i vwo ne fọkiẹ oborẹ aye i rhiẹromẹrẹn ne, ọ ji sabu to obọ-ọ. Ọ sọre wu rha sẹrorẹ ekwakwa ezẹko rẹn oma? Ẹjo, ọrẹn jomarhotọre ne wu ja rha mọrenfian rẹn eri vwiẹruọ. —Pr 3:32.

Marhẹ wu ne ru tẹmro rẹn eri vwiẹruọ? Guọlọ ọke ro serhọ wẹn ọrhẹ aye. Orhianẹ ọrana ọnọ bẹn, wu na sabu ya ileta vwe owuọwan usuẹn aye awanva na, ne wu ta kpahen oborẹ o kpokpuo ẹhẹn. Me wu ne ruo orhianẹ aye ni nọruọn kpahen oborẹ wu wa guọlọ ta kpahen? Karorhọ taghene aye i ghini guọlọ ha userhumu wẹn. Nie taghene eri vwiẹruọ igbehian, rhẹ evwreghrọ-ọn. Omẹdamu ọnọ wu ne lele eri vwiẹruọ tẹmro, ọnọ ha userhumu wẹn ọsoso akpenyerẹn ọnọ vwana, tobọ ye te i bẹmẹdẹ dede!—Pr 4:10-12.

NI IVIDIO NA AKPENYERẸN MẸ ỌKE UPHUPHẸN—MARHẸ MI NE RU TẸMRO RẸN ERI VWIẸRE MẸ? ORHO RU GBA KPAHENRHỌ ENỌ ENANA:

• 

  Me yi Esther ọrhẹ i Partik i ma mẹrẹnvwrurhe kpahen oma aye?

• 

  Me wu na sabu yono nẹ udje i Jesu?

• 

  Marhẹ eri vwiẹruọ i ru djephia ne taghene aye a hẹroto?

• 

  Iruemru-urhi Baibol ego yi na ha userhumu wẹn tẹmro rẹn eri vwiẹruọ?