Ekete ra Rionbọrhọ Uvuẹn Ọbe-Owian Uyono Akpenyerẹn Ọwan Ọrhẹ Iruo Uvie Na
FEBRUARY 6-12
EFE RI NẸ ẸMRO OSOLOBRUGWẸ RHE | ISAIAH 47-51
“Na Huvwele i Jehova Ọ Rhua Ebrurhọ sa”
(Isaiah 48:17) Ọnana oborẹ i Jehova ọ tare, Ohworho rọ tan rẹ are, Ohworho Ọfuanfon ọrẹ Israel: “Mẹmẹ, Jehova, yẹ Osolobrugwẹ are, Ohworho ro yono are nẹ are i mẹrẹn erere harẹn omobọ are, Ohworho ro sun are lele izede ro fori nẹ are i nyalele.
ip-2 131 ¶18
Jehova O Yono Ọwan Fọkiẹ Orhorhomu Ọwan
“Dabu Kerhọ Ekama Mẹ!”
18 Nyoma ẹhẹn ọfuanfon ọrẹ i Jehova, ọmẹraro na ọrhọ ta: “Osunsuiensun Rọmaido Ọrovwori Jehova yo djeri mẹ, ọrhẹ ẹhẹn ọnẹyen. Ọnana oborẹ i Jehova ọ tare, Ohworho rọ tan rẹ are, Ohworho Ọfuanfon ọrẹ Israel: “Mẹmẹ, Jehova, yẹ Osolobrugwẹ are, Ohworho ro yono are nẹ are i mẹrẹn erere harẹn omobọ are, Ohworho ro sun are lele izede ro fori nẹ are i nyalele.’” (Isaiah 48:16b, 17) Ẹmro ọnana ro dje ẹruete ọrẹ i Jehova phia na o fori nọ yẹ agbamwa Israel imwẹro taghene Osolobrugwẹ ono simi aye nẹ i Babylon. Ọye yẹ Ohworho rọ tan rẹ aye. (Isaiah 54:5) Jehova ọ guọlọre nẹ emọ Israel i rharhumu vwo omamọ onyerẹnkugbe rhẹ ọye jeghwai dabu kerhọ ekama enẹyen. Ogame urhomẹmro o sekpahen ọrẹ a huvwele ọkpọvi ri nẹ obẹ i Jehova rhe. Emọ Israel i sabu nya uvuẹn izede rọ gbare-e, jokpanẹ ene yono aye kpahen ‘izede ro fori nẹ aye i nyalele.’
(Isaiah 48:18) Orhianẹ are ina dabu kerhọ ekama mẹ! Ufuoma are nẹ ọnọ họhọ urhie, Irueruo ọvwata are nẹ ọnọ họhọ ukolo ame ọrẹ urhie ọduado na.
ip-2 131 ¶19
Jehova O Yono Ọwan Fọkiẹ Orhorhomu Ọwan
19 Oborẹ i Jehova o ru guọlọ taghene ihworho enẹyen i kẹnoma rẹn okpetu jeghwai vwo omamerhomẹ, a mẹrenriẹnvwrurhe uvuẹn ẹmro enana: “Orhianẹ are ina dabu kerhọ ekama mẹ! Ufuoma are nẹ ọnọ họhọ urhie, Irueruo ọvwata are nẹ ọnọ họhọ ukolo ame ọrẹ urhie ọduado na.” (Isaiah 48:18) Ọnana omamọ ẹmro ro nẹ obẹ Ọmemama ọrọmaigbanhon na rhe! (Deuteronomy 5:29; Psalm 81:13) Ukperẹ aye ine rhiẹ evrẹn, emọ Israel ina sabu riamerhen ufuoma rọ nọ họhọ ame rọ vun ekete ephian jerẹ urhie rọ zẹ. (Psalm 119:165) Irueruo ọvwata aye ono bun jerẹ ukolo ame rọ ha uvuẹn urhie ọduado. (Amos 5:24) Rẹ i Jehova o vwo ọdamẹ kpahen aye na, nọ ta rẹn emọ Israel nyoma ro ha izede ẹguọlọ dje rẹn aye izede ro fori nẹ aye i nyalele. Oh, orhianẹ aye ina ghini kerhọ!
(Isaiah 48:19) Emọ enọ ine bun jerẹ eyẹn na, Omaran ji te uvwiẹ ọnọ. Odẹ aye ọ vwọ samọ ghwọghọ nẹ obaro mẹ-ẹ.”
ip-2 132 ¶20-21
Jehova O Yono Ọwan Fọkiẹ Orhorhomu Ọwan
20 Ebrurhọ ego yẹ Israel ọnọ mẹrẹn orhianẹ ọ ghwẹriẹre? Jehova ọrhọ ta: “Emọ enọ ine bun jerẹ eyẹn na, Omaran ji te uvwiẹ ọnọ. Odẹ aye ọ vwọ samọ ghwọghọ nẹ obaro mẹ-ẹ.” (Isaiah 48:19) Jehova nọ karorhọ ihworho na kpahen ive ro veri taghene ukeri Abraham ono bun “jerẹ ikereti re ha obẹ idjuwu na ọrhẹ eyẹn re ha okokọ urhie na.” (Genesis 22:17; 32:12) Ọrẹn, emọ Abraham enana i vwe rhon ẹmro-o, aye i ji sabu mẹrẹn orugba ive na-a. Itiọrurhomẹmro, iyẹnrẹn aye obiomurun omamọ te erhirhiẹ Urhi Jehova o brorhiẹn ono hionron aye nie jerẹ agbamwa. (Deuteronomy 28:45) Udabọ ọrana, Jehova ọ guọlọ nẹ ihworho yi i ghwọghọ-ọ, ọ ji guọlọ nyaji aye vwo phẹlẹphẹlẹ-ẹ.
21 Iruemru-urhi ri ha uvuẹn oghwẹmro ọnana o ji sekpahen ihworho ra ga i Jehova inyenana. Jehova yẹ Esiri arhọ, ọye yo rhe izede rọ mai rhomu re ne nyerẹn akpọ ọwan lele. (Psalm 36:9) Ọye ọ yẹrẹ ọwan ọkpọvi ne, re na yẹ ọwan omamerhomẹ ọrhẹ erere, orhiẹ ọrẹ ono kpe omamerhomẹ ọwa-an. Ilele Kristi urhomẹmro a huvwele ọkpọvi nyoma aye a guọlọ nẹ i Jehova o yono aye. (Micah 4:2) Ọkpọvi enẹyen a ha userhumu rẹn ọwan gbanhan jeghwai sẹrorẹ onyerẹnkugbe ọwan rhẹ i Jehova, aye a jeghwai simi ọwan nẹ oriẹriẹme ọrẹ Echu. Ọwan i rhe dje ọdaremẹro kpahen iruemru-urhi ri ha uvuẹn irhi Osolobrugwẹ, ọwan na mẹrẹnvwrurhe taghene Jehova o yono ọwan fọkiẹ orhorhomu ọwan. Ọwan na mẹrẹnvwrurhe taghene “ekama enẹyen a ghwa pha-an.” A jeghwai ghwọghọ ọwa-an.—1 John 2:17; 5:3.
Ra Guọlọ Efe erẹ Ẹhẹn
(Isaiah 49:6) Ọye nọ tare: “O te taghene wẹwẹ odibo mẹ Rọ nọ kpare ivwiẹ i Jacob rierun Jeghwai rharhamu ha eri hẹrhẹre uvuẹn Israel rhe-e. Mi jeghwai ha owẹwẹ mwu jerẹ ukpe harẹn egbamwa na ne, Neneyo usimi mẹ o te ọsoso akpọ na.”
w07 1/15 9 ¶8
Ẹhaphia Ri Nẹ Ọbe ọrẹ Isaiah—II
49:6—Marhẹ i Messiah na o ru rhiẹ “ukpẹ harẹn egbamwa na,” dedevwo owian aghwoghwo ọnẹyen ọke rọ ha otọrakpọ ghwai Emọ Israel ọvo? Ọnana ọ phiare omaran fọkiẹ oborẹ ọ phiare ọke i Jesu o hwu hin. Ekete ọnana uvuẹn i Baibol na Isaiah 49:6, o sekpahen idibo yi. (Acts 13:46, 47) Inyenana, otu gbidigbidi a ha userhumu rẹn Ilele Kristi ra djẹha na ga jerẹ “ukpẹ harẹn egbamwa na,” jeghwai yono ihworho “uvuẹn egbamwa na ephian.”—Matthew 24:14; 28:19, 20.
(Isaiah 50:1) Ọnana oborẹ i Jehova ọ tare: “Bọgo yẹ ọbe ra forọnmo izu are mi leri na ọ havwọ? Yanghene ọrọmo mi rhẹ are riẹn? Nughe! Fọkiẹ edandan are ọyẹ ọsoriẹ a rhẹ are, Jeghwai fọkiẹ erusọ are ọyẹ ọsoriẹ e le izu are rie.
it-1 643 ¶4-5
Orọnmo Ẹfan
Orọnmo Ẹfan Ra Ha Dje Udje. Irueru orọnmo na a ha riẹ ruiruo jerẹ emru oka uvuẹn i Baibol na. (Isa 54:1, 5, 6; 62:1-6) A ji hunute oka ra forọnmo, yanghene re le ọmase rie.—Jer 3:8.
A ghwọghọ uvie ọrẹ i Judah ọrhẹ i Jerusalem uvuẹn ẹgbukpe 607 a ki mẹrẹn Kristi, na jeghwai kpare ihworho re rhirhiẹ otọre na riẹ abọ evrẹn obẹ i Babylon. Ẹgbukpe buebun re nyavrẹn ne, nyoma aruẹmẹrẹn Jehova nọ ta rẹn itu Jew ri ne riẹ abọ evrẹn: “Bọgo yẹ ọbe ra forọnmo izu are mi leri na ọ havwọ?” (Isa 50:1) “Izu” aye, yanghene ukoko agbamwa na, o vwo oborẹ ọsoriẹ e le yi, orhiẹ fọkime i Jehova ọ sẹrerhumuji ọphọ rọ rere rhẹ aye-e, jeghwai tuẹn irueruo orọnmo ẹfan rhọ-ọ, ọrẹn fọkiẹ irueruo obiobiomu rẹ aye i ru haso ọphọ Urhi na. Ọrẹn emọ Israel ri hẹrhẹre ni ghwẹriẹre jeghwai nẹrhomo nẹ aye i rharhumu vwo onyerẹnkugbe rhẹ i Jehova uvuẹn ẹkwotọre aye. Fọkiẹ odẹ ọnẹyen, Jehova no suẹn ihworho enẹyen riẹ ẹkwotọre aye jerẹ oborẹ ọye o veri uvuẹn ẹgbukpe 537 a ki mẹrẹn Kristi, oba ẹgbukpe 70 ra sẹrerhumuji otọre na.—Ps 137:1-9; se urhomu-ẹmro na MARRIAGE.
Isese i Baibol
(Isaiah 51:12-23) “I myself am the One comforting you. Why should you be afraid of a mortal man who will die And of a son of man who will wither like green grass? 13 Why do you forget Jehovah your Maker, The One who stretched out the heavens and laid the foundation of the earth? And all day long you were in constant fear of the rage of the oppressor, As though he were in a position to bring you to ruin. Where, now, is the rage of the oppressor? 14 The one bent over in chains will soon be set free; He will not die and go into the pit, Nor will his bread be lacking. 15 But I am Jehovah your God, Who stirs up the sea and makes its waves boisterous —Jehovah of armies is his name. 16 I will put my words in your mouth, And with the shadow of my hand I will cover you, In order to plant the heavens and to lay the foundation of the earth And to say to Zion, ‘You are my people.’ 17 Awake! Awake! Rise up, O Jerusalem, You who have drunk from the hand of Jehovah his cup of wrath. You have drunk the goblet; You have drained out the cup causing staggering. 18 Not one of all the sons whom she bore is there to guide her, And not one of all the sons whom she raised has taken hold of her hand. 19 These two things have befallen you. Who will sympathize with you? Destruction and devastation, hunger and sword! Who will comfort you? 20 Your sons have fainted. They lie down at every street corner Like wild sheep in the net. They are full of the wrath of Jehovah, the rebuke of your God.” 21 So please listen to this, O woman afflicted and drunk, though not with wine. 22 This is what your Lord Jehovah says, your God who defends his people: “Look! I will take from your hand the cup causing staggering, The goblet, my cup of wrath; You will never drink it again. 23 I will put it into the hand of your tormentors, Those who said to you, ‘Bow down so that we may walk over you!’ So you made your back like the ground, Like a street for them to walk on.”
FEBRUARY 13-19
EFE RI NẸ ẸMRO OSOLOBRUGWẸ RHE | ISAIAH 52-57
“Kristi Ọ Rioja Fọkiẹ Ọwan”
(Isaiah 53:3-5) Ihworho i vwo utuoma kpahiẹn jeghwai kẹnoma riẹn, Ọye ohworho ro vwẹruọ emiamiamo jeghwai riẹnriẹn oma rhẹ emiamo. Ọ họhọ ohworho ra mẹrẹn ne fi ughwaro fughwẹ. E vwo utuoma kpahiẹn, ọwan e se yi gbemru-u. 4 Itiọrurhomẹmro, ọye yọ kpare emiamo ọwan jeghwai te emiamiamo ọwan. Ọrẹn, ọwan i nirien rhẹ ohworho ro vwo emiamo, rẹ Osolobrugwẹ ọ ha oja ria. 5 Ọrẹn, e dumurien fọkiẹ orusọ ọwan; A ghwọgheriẹ fọkiẹ edandan ọwan. Ọ rioja fọkiẹ ọwan neneyo ọwan i sabu vwo ufuoma, Habaye, fọkiẹ era enẹyen ye simi ọwan.
w09 1/15 26 ¶3-5
Odibo i Jehova—“E Dumurien Fọkiẹ Orusọ Ọwan”
“E Vwo Utuoma Kpahiẹn” A Jeghwai “Se Yi Gbemru-u”
3 Se Isaiah 53:3. Roro kpahen oborẹ o mevirhọ rẹ Ọmọ owu ọvo rẹ Osolobrugwẹ o vwori, ọ nyaji Ọsẹ ye vwo rhiẹ otọrakpọ na mọ ha arhọ ye ze izobo no simi ituakpọ nẹ ọdandan ọrhẹ uhwu! (Phil. 2:5-8) Izobo ọnẹyen o rhie uphẹn firhọ ra na harhomu edandan, rẹ izobo aranmo uvuẹn otọre Urhi i Moses o djephia. (Heb. 10:1-4) O fo nẹ itu Jew ra hẹrhẹ i Messiah na i dabu dede jeghwai họghọ riẹn? (John 6:14) Ukpomaran, itu Jew na ni “vwo utuoma” kpahen Kristi na, aye a jeghwai “se yi gbemru-u,” jerẹ oborẹ Isaiah ọ mẹraruiẹ rhotọre. Ọnyikọ John ọrhọ ya: “Ọye ọ rhiẹ amwa obọ ye, ọrẹn ihworho enẹyen e dedie ha-a.” (John 1:11) Ọnyikọ Peter ọrhọ ta rẹn itu Jew na: “Osolobrugwẹ esẹ ride ọwan . . . ọ yẹ Odibo ọnẹyen ro rhiẹ Jesu odidi, rẹ are i tiobọnu jeghwai ten obaro i Pilate, dedevwo o brorhiẹn ro no tiobọnie. Itiọrurhomẹmro, are i tiẹn ọvwata ọrhẹ ohworho ọfuanfon ọrana.”—Acts 3:13, 14.
4 Isaiah ọ je mẹraro taghene Jesu ọnọ “riẹnriẹn oma rhẹ emiamo.” Uvwre ọke i Jesu o ghwoghwo, oma ọ bẹn riẹn ọkezẹko, ọrẹn o vwo iyẹnrẹn ro djerie phia taghene o kpomuru-un. (John 4:6) Ọrẹn, ọ riẹnriẹn oma rhẹ emiamo ihworho rẹ ọye o ghwoghwo riẹn. O vwo arodọmẹ kpahen aye jeghwai simi ihworho buebun. (Mark 1:32-34) Omarana, Jesu nọ ha aruẹmẹrẹn ọnana te orugba: “Itiọrurhomẹmro, ọye yọ kpare emiamo ọwan jeghwai te emiamiamo ọwan.”—Isa. 53:4a; Matt. 8:16, 17.
Nọ Họhọre Taghene “Osolobrugwẹ Ọ Ha Oja Riẹ”
5 Se Isaiah 53:4b. Buebun ihworho ri nyerẹnren uvwre ọke i Jesu, e vwẹruọ oborẹ ọsoriẹ ọ rioja jeghwai hwu-u. Aye ne roro taghene Osolobrugwẹ ọ ha oja riẹ rhẹ emiamo ọgbogbanhon. (Matt. 27:38-44) Itu Jew i mọrenfian ba i Jesu taghene ọ rhaphiẹ ihworho. (Mark 14:61-64; John 10:33) Itiọrurhomẹmro, Jesu orhiẹ oruọdandan yanghene ọrọ rhaphiẹ ihworho-o. Ọrẹn fọkiẹ ẹguọlọ okokodo ro vwo kpahen Ọsẹ ye, ọ sabu din efian ra mọren bariẹn taghene ọye ohworho rọ rhaphiẹ ihworho dedevwo o toroba ojẹriọ ọnẹyen ro rhiẹ Odibo i Jehova. Habaye, o mwuegbe rọ nọ homakpahontọre ru ọhọre i Jehova.—Matt. 26:39.
(Isaiah 53:7, 8) E sehiẹn yen jeghwai ha oja riẹ, Ọrẹn ọ kpahen ẹmro-o. A kpareriẹ jerẹ ọmogegede ra guọlọ kpe, Jerẹ ogegede rọ fọre obaro era guọlọ bọnrọn ẹton nie oma, ọye ọ jeghwai kpahen ẹmro-o. 8 Fọkiẹ osehiẹn ọrhẹ ẹzeguon ọyẹ a kpariẹ nyarhẹn; Ọrọmo yọ tobọ rhe kpahen uvwiẹ ọnẹyen? Fọkime e ti rie nẹ uvwre ihworho re nyerẹn; Fọkiẹ ọdandan ihworho mẹ, ne kpe rie hwu.
w09 1/15 27 ¶10
Odibo i Jehova—“E Dumurien Fọkiẹ Orusọ Ọwan”
“A Kpareriẹ Jerẹ Ọmogegede ra Guọlọ Kpe”
10 Se Isaiah 53:7, 8. Ọke i John ro Brọwanrhame na ọ mẹrẹn i Jesu ọ sa, nọ tare: “Nughe, Ọmogegede Osolobrugwẹ na, ro no ti ọdandan ihworho ri ha uvuẹn akpọ na nie!” (John 1:29) Ri John o se i Jesu Ọmogegede na, ọkezẹko ọ karorhọ ẹmro Isaiah ọ yare: “A kpareriẹ jerẹ ọmogegede ra guọlọ kpe.” (Isa. 53:7, ekete ra djokarhọ) “Fọkime o hwu harẹn ọwan,” omaran Isaiah ọ mẹraruiẹ. (Isa. 53:12) Ọrẹ omamerhomẹ, ason i Jesu ọ ha Ẹkarorhọ Uhwu ọnẹyen mwu, nọ ha uko enyo na rẹn inyikọ 11 ri vwo atamwu kpahiẹn jeghwai ta: “Ọnana o mevirhọ ‘ọbara mẹ ra ha ruẹ ọphọ na,’ rẹ mi ne rhie rhotọre rẹn ihworho buebun na sabu harhomu edandan.”—Matt. 26:28.
(Isaiah 53:11, 12) Fọkiẹ ojẹriọ rọ nọ mẹrẹn, ọye ono vwo evwẹnvuọn. Nyoma irherhe ohworho ọvwata na ro rhiẹ odibo mẹ, ihworho buebun ine vwo onyerẹnkugbe ọsoso, Ọye ọnọ jeghwai kpare edandan aye. 12 Fọkiẹ iroro ọrana, mi na yẹ ye ẹkẹ uvwre ihworho buebun, Ọye ono lele ihworho ri gbanhonma ghalẹ ekwakwa, fọkime o hwu harẹn ọwan A jeghwai kelie ba eruedandan; Ọye ọ kpare edandan ihworho buebun, Ọ jeghwai rẹ harẹn eruedandan.
w09 1/15 28 ¶13
Odibo i Jehova—“E Dumurien Fọkiẹ Orusọ Ọwan”
Odibo Na Ọ Lẹrhẹ “Ihworho Buebun Vwo Onyerẹnkugbe Ọsoso”
13 Se Isaiah 53:11, 12. Sekpahen Odibo yi rọ djẹha, Jehova nọ tare: “Ohworho ọvwata na ro rhiẹ odibo mẹ, ihworho buebun ine vwo onyerẹnkugbe ọsoso.” Izede ọgo? Obẹta oghwẹmro 12 ọ yẹrẹ ọwan ẹkpahenrhọ na. “Ọ [nọyẹ Odibo na] jeghwai rẹ harẹn eruedandan.” Ọwan ephian ri rhiẹ emọ Adam “eruedandan,” omarana ọwan na mẹrẹn “osa ọdandan ọ kwa,” nọyẹ, uhwu. (Rom. 5:12; 6:23) O fori nẹ ẹkwaphiẹrhọ o rhirhiẹ ye uvwre i Jehova ọrhẹ ituakpọ ri rhiẹ eruedandan. Isaiah urhomu-ẹmro 53 ọ dabu mẹraro kpahen oborẹ i Jesu ono ru rẹ harẹn ituakpọ ri rhiẹ eruedandan, nyoma rọ ta: “Ọ rioja fọkiẹ ọwan neneyo ọwan i sabu vwo ufuoma, Habaye, fọkiẹ era enẹyen ye simi ọwan.”—Isa. 53:5.
Ra Guọlọ Efe erẹ Ẹhẹn:
(Isaiah 54:1) “Bunu phia ọrẹ aghọghọ, ọmase agẹn ro vwo ji vwiẹ! Ghọghọ ne wu jeghwai viẹ phia ọrẹ omamerhomẹ, wẹwẹ ri vwe ji rhe omiamiamo uvwiẹ, Fọkime emọ ọrẹ a sẹrerhumuji i bun ghwẹ emọ ọmase ro vwo esa,” Omaran i Jehova ọ tare.
w06 3/15 11 ¶2
“Iruẹn Udje Ra Ha Dje Emru” Rọ Ghanranren Harẹn Ọwan
Ọrọmo yẹ Sarah “ọmase ro rhiẹ ọmuvwiẹ” ọrhẹ ọmọyen Isaac, i mevirhọ? Paul o djephia taghene Sarah ro rhiẹ “ọmase agẹn” na, o mevirhọ ane Osolobrugwẹ, nọyẹ ukoko ọnẹyen rọ ha obẹ odjuwu. Ọmase ọnana rọ ha obẹ odjuwu na, agẹn yo ruẹ fọkime bọmọke i Jesu ọ ki rhiẹ otọrakpọ na, o ji vwo “emọ” ra ha ẹhẹn ọfuanfon djẹha-a. (Galatians 4:27; Isaiah 54:1-6) Ọrẹn, uvuẹn Pentecost 33 ọke i Kristi, ne tiobọnu ẹhẹn ọfuanfon na rẹn ẹko ehworhare ọrhẹ emẹse ra rharhumu vwiẹ ni rhiẹ emọ ọmase ọnana. Osolobrugwẹ nọ dẹ emọ rẹ ukoko ọnana o vwiẹre na ha nẹ aye i rhiẹ emọyen, aye ni jeghwai kwomakugbe i Jesu Kristi riẹ ọphọ ọkpokpọ na. (Romans 8:15-17) Ọnyikọ Paul, ro rhiẹ owu usuẹn emọ enana, nọ yare: “Jerusalem oberun na ọmuvwiẹ, ọye yẹ izu ọwan.”—Galatians 4:26.
(Isaiah 57:15) Ọnana oborẹ Ọro Rierun Rọmaido na, Ro rhirhiẹ ye bẹmẹdẹ, rẹ odẹ ye ọ je fon na ọ tare: “Dedevwo mie rhirhiẹ ekete ro rierun rọ jeghwai fon, Mẹmẹ ọrhẹ ihworho dẹndẹn kugbe erẹ ẹhẹn aye ọ ghwọghọre i ji havwiẹ, neneyo mi ru ẹhẹn ihworho dẹndẹn na gogovi Jeghwai ru ọmudu ihworho ra ghwọghọre na kpokpọ.
w05 10/15 26 ¶3
Vwo Obọdẹn Omeriotọre
Udje Omeriotọre Rọ Maido
3 Jehova ọ doro omamọ jeghwai rierun, ọrẹn ikẹro ọnẹyẹn “o nẹ ekete ephian uvuẹn akpọ na no dje omẹgbanhon ọnẹyen harẹn ihworho ri vwo ọmudu ọsoso kpahiẹn.” (2 Chronicles 16:9) Me yi Jehova o ruẹ ọrhọ mẹrẹn idibo yi rẹ ẹhẹn aye ọ ghwọghọre fọkiẹ ebẹnbẹn buebun? Itiọrurhomẹmro, ọye rhẹ aruẹ ihworho enana e “havwiẹ” nyoma rọ ha userhumu rẹn aye rhẹ ẹhẹn ọfuanfon ọnẹyen ‘neneyo no ru ẹhẹn ihworho dẹndẹn na gogovi Jeghwai ru ọmudu ihworho ra ghwọghọre na kpokpọ.’ (Isaiah 57:15) Omarana, idibo yi rẹ ẹhẹn aye o gogovi ne na, na sabu ha ẹga riẹn rhẹ omamerhomẹ. Ọnana omamọ udje omeriotọre Osolobrugwẹ o djephia!
Isese i Baibol
(Isaiah 57:1-11) The righteous one has perished, But no one takes it to heart. Loyal men are taken away, With no one discerning that the righteous one has been taken away Because of the calamity. 2 He enters into peace. They rest on their beds, all who walk uprightly. 3 “But as for you, come closer, You sons of a sorceress, You children of an adulterer and a prostitute: 4 Whom are you making fun of? Against whom do you open your mouth wide and stick out your tongue? Are you not the children of transgression, The children of deceit, 5 Those who are inflamed with passion among big trees, Under every luxuriant tree, Who slaughter the children in the valleys, Under the clefts of the crags? 6 With the smooth stones of the valley is your portion. Yes, these are your lot. Even to them you pour out drink offerings and offer gifts. Should I be satisfied with these things? 7 On a mountain high and lofty you prepared your bed, And you went up there to offer sacrifice. 8 Behind the door and the doorpost you set up your memorial. You left me and uncovered yourself; You went up and made your bed spacious. And you made a covenant with them. You loved sharing their bed, And you gazed at the male organ. 9 You went down to Melʹech with oil And with an abundance of perfume. You sent your envoys far off, So that you descended to the Grave. 10 You have toiled in following your many ways, But you did not say, ‘It is hopeless!’ You found renewed strength. That is why you do not give up. 11 Whom did you dread and fear So that you started to lie? You did not remember me. You took nothing to heart. Have I not kept silent and withdrawn? So you showed no fear of me.
FEBRUARY 20-26
EFE RI NẸ ẸMRO OSOLOBRUGWẸ RHE | ISAIAH 58-62
“Ghwoghwo Ẹgbukpe Orhorhomu ọrẹ i Jehova”
(Isaiah 61:1, 2) Ẹhẹn ọfuanfon Osunsuiensun Rọmaido Ọrovwori Jehova o gbereri mẹ, Fọkime Jehova ọ djẹre mẹ ha ni mi ghwoghwo iyẹnrẹn esiri harẹn ihworho dẹndẹn. O djeri mẹ me simi ihworho rẹ ẹhẹn aye e ghwọghọre, Ni mi ghwoghwo ugbomọphẹ harẹn evrẹn Jeghwai rhiẹ ukẹro ihworho ri ha ekanron, 2 Ni mi ghwoghwo ẹgbukpe orhorhomu ọrẹ i Jehova Ọrhẹ ẹdẹ ẹzeguon ọrẹ Osolobrugwẹ ọwan, ne mi ha urhebro rẹn ere mwuomarhọ,
ip-2 322 ¶4
Irueruo Ọvwata Ọ Homaphia Uvuẹn i Zion
“Ẹgbukpe Orhorhomu”
4 Isaiah nọ yare: “Ẹhẹn ọfuanfon Osunsuiensun Rọmaido Ọrovwori Jehova o gbereri mẹ, Fọkime Jehova ọ djẹre mẹ ha ni mi ghwoghwo iyẹnrẹn esiri harẹn ihworho dẹndẹn. O djeri mẹ me simi ihworho rẹ ẹhẹn aye e ghwọghọre, Ni mi ghwoghwo ugbomọphẹ harẹn evrẹn Jeghwai rhiẹ ukẹro ihworho ri ha ekanron.” (Isaiah 61:1) Ọrọmo ya ha mwu ro no ghwogho iyẹnrẹn esiri na? Ukukaro, Isaiah yẹ ohworho Osolobrugwẹ ọ djẹha rhẹ ẹhẹn ọfuanfon nọ ya iyẹnrẹn esiri harẹn ihworho re mwu riẹ abọ evrẹn obẹ i Babylon. Ọrẹn, Jesu ọ ha aruẹmẹrẹn ọnana te orugba ọke rọ ta taghene ẹmro Isaiah na o sekpahiẹn. (Luke 4:16-21) Itiọrurhomẹmro, e dje i Jesu rhe me ghwoghwo iyẹnrẹn esiri na harẹn ihworho dẹndẹn, fọkiẹ ọnana na ha ẹhẹn ọfuanfon na djẹ ye ha ọke ro bromarhame.—Matthew 3:16, 17.
(Isaiah 61:3, 4) Ni mi tiobọnu harẹn ere mwuomarhọ fọkiẹ i Zion, ni mi yẹ aye onẹrhon ukperẹ ono rhiẹ ikerewi, Ọfugbo aghọghọ ukperẹ ono rhiẹ omemwurhọ, Ewun ujiri ukperẹ ono rhiẹ ẹhẹn ro seriotọre. Nẹ ene se aye erhan eduado erẹ ọvwata, Oborẹ i Jehova ọ wọre, neneyo ọ rhua odidi vwe yi. 4 Aye ina rharhumu bọn oborẹ ọ ghwọghọre na; Aye ina kpare ekete ra sẹrerhumuji bi na rierun, Aye ina rharhumu bọn emwa ra ghwọghọre, Ekete ra sẹrerhumuji nẹ uvwiẹ riẹ uvwiẹ.
ip-2 326-327 ¶13-15
Irueruo Ọvwata Ọ Homaphia Uvuẹn i Zion
13 Nẹ Pentecost 33 ọke i Kristi rhe, Osolobrugwẹ ọ wọ “erhan eduado erẹ ọvwata” nọyẹ Ilele Kristi ra ha ẹhẹn ọfuanfon djẹha ri vwo uduefigbere uvuẹn agbamwa ọkpokpọ na, “Israel ọrẹ Osolobrugwẹ.” (Galatians 6:16) Ẹgbukpe buebun rhe na, “erhan” enana yẹ 144,000, ra mọ emamọ ọvwata nẹ aye i ru rhomu yanghene rhua odidi vwe i Jehova Osolobrugwẹ. (Revelation 14:3) Ere hẹrhẹre usuẹn “erhan” enana e ruẹ rhomẹrhọ nẹ ẹgbukpe 1919 rhe, ọke i Jehova ọ rhọmọ ere hẹrhẹre usuẹn Israel ọrẹ Osolobrugwẹ nẹ erhirhiẹ furhiemu aye i havwọ. Nyoma i Jehova ọ ha ame buebun rẹn aye nyoma izede uyono, no vwo egbo ọrẹ ọvwata ro vwo erhan ra mọ emamọ.—Isaiah 27:6.
14 Ọke Isaiah ọ ta kpahen owian “erhan” enana, nọ yare: “Aye ina rharhumu bọn oborẹ ọ ghwọghọre na; Aye ina kpare ekete ra sẹrerhumuji bi na rierun, Aye ina rharhumu bọn emwa ra ghwọghọre, Ekete ra sẹrerhumuji nẹ uvwiẹ riẹ uvwiẹ.” (Isaiah 61:4) Nyoma urhi ọrẹ Orodje Persia re se Cyrus, itu Jew ri fuevwan ri ghwẹrioma nẹ Babylon, ni rharhumu bọn i Jerusalem ọrhẹ oghwa ẹga na rọ ghwọghọre ẹgbukpe buebun ne. Owian erhirhiẹ ọmuvwiẹ na ono rhiẹ emru oka lele uvwre ẹgbukpe 33 ọke i Kristi ọrhẹ 1919.
15 Uvuẹn ẹgbukpe 33 ọke i Kristi, idibo i Jesu i mwuomarhọ omamọ fọkiẹ ẹkparehaso ọrhẹ uhwu i Jesu. (Matthew 26:31) Ọrẹn, omemwurhọ aye no nirien ọke i Jesu ọ rhọmọnuhwu jeghwai homaphia harẹn aye. Ogege re tiobọnu ẹhẹn ọfuanfon na harẹn aye, aye ni gbomarhẹ owian re ne ghwoghwo iyẹnrẹn esiri na, “uvuẹn i Jerusalem, uvuẹn ọsoso i Judea ọrhẹ Samaria, kugbe ekete ri mai seri uvuẹn akpọ na.” (Acts 1:8) Omarana, aye ni tuẹn ogame urhomẹmro rhọ. Omaran ọ ji havwọ, nẹ ẹgbukpe 1919 rhe, Jesus Kristi nọ lẹrhẹ imizu ra djẹha ri hẹrhẹre na bọn “ekete ra sẹrerhumuji nẹ uvwiẹ riẹ uvwiẹ.” Ẹgbukpe buebun ri nyavrẹn ne na, ilori ẹga efian e kwe yono kpahen irherhe i Jehova-a, ukpomaran aye na ha irueruo ituakpọ ọrhẹ iyono ri vwa ha uvuẹn i Baibol na wenie. Ilele Kristi ra djẹha na ni tiẹ iyono ri vwa fon ri surhobọmwu ẹga efian nẹ ukoko na, neneyo ẹga urhomẹmro ra na ha mwu na, nọ sabu riobarorhọ. Aye ni jeghwai tuẹn owian aghwoghwo kirighwo ra vwa ji mẹrẹn aruiẹ rhọ uvuẹn akpọ na.—Mark 13:10.
(Isaiah 61:5, 6) “Epha ine mevi jeghwai sun igegede are, Epha ine rhiẹ eghwẹrẹ jeghwai hẹrote i vine are. 6 Harẹn are, ene se are irherẹn i Jehova; Aye ine se are iniruo Osolobrugwẹ ọwan. Are ina riẹ oborẹ i nẹ egbamwa na rhe, Are ina ha odidi aye yeyan.
w12 12/15 25 ¶5-6
“Epha Ibiọke” Re Kwomakugbe Uvuẹn Ogame Urhomẹmro
5 Obọreva ye, ihworho ina sabu rionbọrhọ urhomu-ẹmro 61 ọbe Isaiah, rọ ta kpahen orugba aruẹmẹrẹn ra mẹrẹn uvuẹn ukoko Ilele Kristi. Oghwẹmro 6 ọrẹ urhomu-ẹmro ọrana ọ hunute ihworho ri na ga ẹrhẹ “irherẹn i Jehova.” Oghwẹmro 5 ọ ta kpahen “epha” ri na wian kugbe rhẹ “irherẹn” na. Marhẹ ene vwẹruọ ọnana lele?
6 Ọwan i vwẹruọ ye taghene “irherẹn i Jehova” na yẹ Ilele Kristi ra djẹha ri na “ha usuẹn ẹrhọmọnuhwu ọrukaro na,” aye “ine rhiẹ irherẹn erẹ Osolobrugwẹ ọrhẹ eri Kristi na jeghwai sun uvuẹn ẹrhẹ irodje ẹgbukpe 1,000.” (Rev. 20:6) Habaye, o vwo Ilele Kristi buebun ri vwo atamwu ri ne rhirhiẹ otọrakpọ na. Dedevwo, aye e lele eri ne riẹ odjuwu na wian, aye epha izede ọrẹ udje. Oma ọ merhen aye ọke aye hobọtua jeghwai wian rhẹ “irherẹn i Jehova na,” aye wian jerẹ “eghwẹrẹ” aye ọrhẹ era “hẹrote i vine” aye. Itiọrurhomẹmro, aye ha userhumu phia nyoma aye sa ihworho erhumu nẹ aye rhua odidi vwe Osolobrugwẹ. Ee, era djẹha na ọrhẹ ẹko ‘igegede ereva’ na a guọlọ jeghwai ha userhumu rẹn ihworho dẹndẹn ri vwo oruru aye ina ga Osolobrugwẹ bẹmẹdẹ.—John 10:16.
Ra Guọlọ Efe erẹ Ẹhẹn
(Isaiah 60:17) Ukperẹ ono rhiẹ erẹnmo, mi na ha oro rhe, Ukperẹ ono rhiẹ uteru, mi na ha idọlọ ọfuanfon rhe, Ukperẹ ono rhiẹ orhan, nẹ erẹnmo, Ukperẹ ono rhiẹ itita nẹ uteru; Ni mi na ha ufuoma mwu jerẹ iniruo are, Irueruo ọvwata nẹ ono rhiẹ era yẹ are iruo.
Wian Ne Wu Toroba Onyerẹnkugbe Ihworho i Jehova
14 Ikpe buebun rhe na, eri kpako ne usuẹn ọwan na i rhiẹromẹrẹn ewene sansan uvuẹn ukoko na ro toroba erhumu ukoko i Jehova rọ ha uvuẹn otọrakpọ na. Aye ina sabu karorhọ ọke ukoko na o vwo congregation servant ukperẹ ono rhiẹ ugboma ekpako, ọke ẹkwotọre buebun e vwo branch servant ukperẹ ono rhiẹ Umẹ Rọ Hẹrote Oghọn Ukoko, ọrhẹ ọke i prẹsidẹnt ọrẹ Watch Tower Society o tiobọnu ọkpọvi ukperẹ ono rhiẹ Ugboma Usuon ọrẹ Iseri Jehova. Dedevwo imizu enana ri homakpahontọre na a mẹrẹn obẹhatua nyoma imizu erọrọ ri vwo atamwu, ohworho owu yo brorhiẹn harẹn ikoko na, eghọn ukoko ọrhẹ esiri ukoko. Uvwre ẹgbukpe 1970, ewene no rhirhiẹ riẹ ra na ha ẹko ekpako mwu nẹ aye i hẹrote owian na ukperẹ ono rhiẹ owuọwan.
15 A mẹrẹn erere nẹ ewene erana rhe? Ee, urhomẹmro. Mesoriẹ? Fọkime a bọn ewene na kpahen irherhe ro sekpahen idje ri ha uvuẹn i Baibol na. Ukperẹ ono rhiẹ owuọwan yo suẹn, iroro sansan erẹ ọsoso ekpako ri Jehova ọ ha wian ọ ha erere vwẹ ukoko na.—Eph. 4:8; Prov. 24:6.
16 Ji roro kpahen ewene ezẹko ri havwiẹ ro vwo ji jiri na, jerẹ ewene rọ ha uvuẹn ugboma, iyẹnrẹn, ọrhẹ ena re tiobọnẹ ẹbe ọwan. Emru omamerhomẹ ra na ha ẹbe irhorhomu enana ri ji vwo omamọ iyẹnrẹn ruiruo uvuẹn owian aghwọghwo na! Ọke ọwan a je ha ena ekpokpọ ghwoghwo iyẹnrẹn esiri na, jerẹ iwẹbsaiti jw.org, ọwan e dje ọdaremẹro ri Jehova o vwo kpahen ihworho phia nyoma ọwan a ha ọkpọvi aye i guọlọre vwe aye.
17 Ẹghwanren ọ ji ha ewene ọnana rọ ha uphẹn rẹn ọwan na sabu ru Ogame Ekrun yanghene uyono omobọ. Ọwan i ji vwo ọdaremẹro kpahen ẹkwaphiẹrhotọre omẹvwa okinhariẹ ọrhẹ omẹvwa ọduado re ruẹ rhọke. Ọke ephian yẹ ọwan a ta, aye e rhomẹrhọ kẹgbukpe kẹgbukpe! Oma ọ ji merhen ọwan kpahen iyono buebun ra haphia nyoma isukuru uvie na. Uvuẹn ọsoso ewene enana, ọwan a mẹrẹn ebrurhọ i Jehova. Ọye ọ dabu ruẹ erhumu ukoko ọnẹyen rhomẹrhọ ọrhẹ onyerẹnkugbe rẹ ọwan a riamerhiẹn inyenana!
(Isaiah 61:8, 9) Harẹn omẹmẹ, Jehova, mi vwo ẹguọlọ kpahen orhienbro ọsoso; Mi vwo utuoma kpahen uhi ọrhẹ irueruo ri vwa phiọn. Mi na fuevwan kwosa harẹn aye, Ni mi na jeghwai lele aye riẹ ọphọ i bẹmẹdẹ. 9 Ene rhe emọ aye uvuẹn ọsoso egbamwa na Ihworho na ena jeghwai rhe emọ aye. Kohworho kohworho rọ mẹrẹn aye ono vwrurhe aye, Taghene aye emọ ri Jehova ọ ha ebrurhọ riẹn.”
w07 1/15 11 ¶5
Ẹhaphia Ri Nẹ Ọbe ọrẹ Isaiah—II
Ẹkpahenrhọ Harẹn Enọ ri nẹ i Baibol Rhe:
61:8, 9—Me yẹ “ọphọ i bẹmẹdẹ” na, nẹ ayọmo yẹ “emọ” na? “Ọphọ i bẹmẹdẹ” na, ọyẹ ọphọ ọkpokpọ ri Jehova ọ rere rhẹ Ilele Kristi ra djẹha na. “Emọ” na yẹ ‘igegede ereva’ na, nọyẹ iduduru ihworho ra kpahanrhọ rẹn urhomu edje aye.—John 10:16.
Isese i Baibol
(Isaiah 62:1-12) For the sake of Zion I will not keep silent, And for the sake of Jerusalem I will not keep still Until her righteousness shines like a bright light And her salvation burns like a torch. 2 “The nations will see your righteousness, O woman, And all kings your glory. And you will be called by a new name, Which Jehovah’s own mouth will designate. 3 You will become a crown of beauty in the hand of Jehovah, A royal turban in the palm of your God. 4 No more will you be called an abandoned woman, And your land will no longer be called desolate. But you will be called My Delight Is in Her, And your land will be called the Married One. For Jehovah will take delight in you, And your land will be as one married. 5 For just as a young man marries a virgin, Your sons will marry you. With the rejoicing of a bridegroom over a bride, Your God will rejoice over you. 6 Upon your walls, O Jerusalem, I have commissioned watchmen. Continuously, all day long and all night long, they should not be silent. You who make mention of Jehovah, Do not rest, 7 And do not give him any rest until he firmly establishes Jerusalem, Yes, until he makes her the praise of the earth.” 8 Jehovah has sworn an oath with his right hand, with his strong arm: “I will no longer give your grain as food to your enemies, Nor will foreigners drink your new wine, for which you have toiled. 9 But those gathering it will eat it and they will praise Jehovah; And those collecting it will drink it in my holy courtyards.” 10 Pass through, pass through the gates. Clear the way for the people. Build up, build up the highway. Rid it of stones. Raise up a signal for the peoples. 11 Look! Jehovah has proclaimed to the ends of the earth: “Say to the daughter of Zion, ‘Look! Your salvation is coming. Look! His reward is with him, And the wage he pays is before him.’” 12 They will be called the holy people, those repurchased by Jehovah, And you will be called Sought After, a City Not Abandoned.
FEBRUARY 27–MARCH 5
EFE RI NẸ ẸMRO OSOLOBRUGWẸ RHE | ISAIAH 63-66
“Idjuwu Ekpokpọ Ọrhẹ Akpọ Ọkpokpọ Ọnọ Rhua Aghọghọ Rode Rhe”
(Isaiah 65:17) Nughe! Mia ma idjuwu ekpokpọ ọrhẹ akpọ ọkpokpọ; a vwa samọ karorhọ ekwakwa ahwanren na ghwomara-an, aye i rha tobọ kọn ruẹ ọmudu na-a.
ip-2 383 ¶23
“Rha Ghọghọ Bẹmẹdẹ Kpahen Oborẹ Mia Ma Na”
23 Ọbe Revelation ọ ta kpahen aruẹmẹrẹn ọnyikọ John rọ ta kpahen ẹdẹ i Jehova rọ sa, ọke rẹ enyerẹn akpọ ọnana ono vwoba. Ọrana orho nie, nẹ ene fi Echu rhẹ ukpotọ ro vwo vwoba. (Revelation 19:11–20:3) Lele aruẹmẹrẹn ọrana, John nọ karunumwu aruẹmẹrẹn Isaiah, nọ yare: “Ni mi mẹrẹn odjuwu ọkpokpọ ọrhẹ akpọ ọkpokpọ.” Eghwẹmro aruẹmẹrẹn ọnana ọ ta kpahen ọke i Jehova Osolobrugwẹ ono wene ọsoso erhirhiẹ akpọ na rhomurhọ. (Revelation 21:1, 3-5) Itiọrurhomẹmro, ive ọrẹ Isaiah kpahen “odjuwu ọkpokpọ ọrhẹ akpọ ọkpokpọ” ono rugba uvuẹn akpọ ọkpokpọ Osolobrugwẹ! Uvuẹn otọre usuon odjuwu na, ọsoso akpọ na ina mẹrẹn omamerhomẹ uvuẹn paradais. Ive ọnana ọ ji yẹ ọwan omamerhomẹ taghene “ekwakwa erẹ ahwanren na [emiamo, ojẹriọ, ọrhẹ ebẹnbẹn buebun ituakpọ a dẹrughwaroghwẹ] a rha karorhọ aye ghwomara-an, yanghene aye i rha tobọ kọn ruẹ ọmudu na ghwomara-an.” Kemru kemru ọwan ina karorhọ i rha rhua emiamiamo vwe ọwa-an, jerẹ oborẹ ihworho buebun a dẹrughwaroghwẹ inyenana.
(Isaiah 65:18, 19) Omarana, mẹrẹn omamerhomẹ jeghwai rha ghọghọ bẹmẹdẹ kpahen oborẹ mia ma na. Nughe! Fọkime mia ma i Jerusalem no rhiẹ emru aghọghọ, Ihworho enẹyen ni rhiẹ emru omamerhomẹ. 19 Ni mi na ghọghọ fọkiẹ i Jerusalem jeghwai vwo omamerhomẹ kpahen ihworho mẹ; Erhe rhon oviẹ omemwurhọ uvwre yi-i.”
ip-2 384 ¶25
“Rha Ghọghọ Bẹmẹdẹ Kpahen Oborẹ Mia Ma Na”
25 Inyenana, Jehova o ruẹ i Jerusalem “no rhiẹ emru aghọghọ.” Izede ọgo? Jerẹ oborẹ ọwan i mẹrẹnvwrurhe ne, idjuwu ekpokpọ rọ homaphia uvuẹn ẹgbukpe 1914 ọyẹ ihworho 144,000 ri ne suon na, aye i vwobọrhọ igọmẹti rọ ha obẹ odjuwu na. E dje rẹ aye rhẹ “Jerusalem Ọkpokpọ.” (Revelation 21:2) Sekpahen i Jerusalem Ọkpokpọ na, Osolobrugwẹ nọ tare: “Mia ma i Jerusalem no rhiẹ emru aghọghọ, Ihworho enẹyen ni rhiẹ emru omamerhomẹ.” Osolobrugwẹ ọnọ ha i Jerusalem Ọkpokpọ rhua ebrurhọ buebun vwẹ ituakpọ ri huvwele. Erhe rhon oviẹ omemwurhọ uvwre yi-i, fọkime i Jehova “ono ruẹ edamẹ erẹ ẹhẹn” ọwan harẹn ọwan.—Psalm 37:3, 4.
(Isaiah 65:21-23) Aye ina bọn eghwa jeghwai rhirhiẹ uvuẹn aye, Aye ina wọ i vine jeghwai riẹ emamọ aye. 22 Aye i bọn nẹ awọrọ i rhirhiẹ uvuie-en, Yanghene aye i wọ nẹ awọrọ i riẹ-ẹ. Fọkime ẹdẹ ihworho mẹ ine rhirhiẹ jerẹ ẹdẹ erẹ orhan, Ihworho mi djẹpha na ni na jeghwai riẹ omamerhomẹ owian aye bẹmẹdẹ. 23 Aye i wian fughwẹ-ẹ, Yanghene vwiẹ emọ ri na yẹ aye ebẹnbẹ-ẹn, Fọkime aye emọ ihworho i Jehova ọ ha ebrurhọ riẹn ne, Aye ọrhẹ emọ aye.
w12 9/15 9 ¶4-5
Ufuoma Ẹgbukpe Uriusiorin—Jeghwai Ghwomaran!
‘AYE INA BỌN EGHWA JEGHWAI WỌ I VINE’
4 Ọrọmo yọ vwọ guọlọ vwo oghwa ọnẹyen ọrhẹ ekete rẹ ọye ọrhẹ ekrun ọnẹyen ine vwo omefuon? Uvuẹn akpọ na inyenana, ọ bẹn ra sabu mẹrẹn omamọ oghwa rhirhiẹ. Ihworho buebun a kwa riẹ amwa rọ vuọnren rhẹ ihworho. Ihworho buebun ne rhirhiẹ ibiẹ eghwa ekokamo ọrhẹ ọko. Harẹn ihworho enana, nọ họhọ emena rẹ aye ine vwo oghwa ọrẹ omobọ aye.
5 Uvuẹn otọre usuon Uvie i Jehova na, ene ruẹ ọdamẹ ihworho ephian ri guọlọ vwo oghwa gba, fọkime a mẹraruiẹ rhotọre ne nyoma Isaiah: “Aye ina bọn eghwa jeghwai rhirhiẹ uvuẹn aye, Aye ina wọ i vine jeghwai riẹ emamọ aye.” (Isa. 65:21) Ọrẹn, orhiẹ ọrẹ aye ine vwo oghwa omobọ aye ọvo yẹ ọdamẹ aye-e. Habaye, inyenana ihworho ezẹko i vwo oghwa omobọ aye, ezẹko a tobọ rhirhiẹ eghwa eduado. Ọrẹn, aye e brudu taghene oghwa na ọnọ sabu ghwọghọ yanghene ihi ina sabu bru aye rhe me so ekwakwa aye. Enana ephian ine wene uvuẹn otọre usuon Uvie i Jehova! Ọmẹraro Micah ọrhọ ya: “Owuowọnwan ono siyẹ obotọre orhan ọrẹ i vine ọrhẹ i fig ọnẹyen, orho vwo ọrẹ ọnọ djofẹn mwu aye-e, nime ọnana ẹmro i Jehova ro sun emakashe na ọ tare.”—Mic. 4:4.
Ra Guọlọ Efe erẹ Ẹhẹn
(Isaiah 63:5) Ni mia guọlọ, ọrẹn mia mẹrẹn ohworho rọ ha userhumu mẹ-ẹ; No gberi mẹ unu taghene o vwo ohworho rọ hobọtua mẹ-ẹ. Omarana abọ mẹ nọ yẹre mẹ usimi, Ekwẹre mẹ nọ hobọtua mẹ.
w07 1/15 11 ¶6
Ẹhaphia Ri Nẹ Ọbe ọrẹ Isaiah—II
63:5—Izede ọgo yẹ ekwẹre Osolobrugwẹ ọ hobọtua ye? Ekwẹre Osolobrugwẹ oborẹ ọ sabu suẹn, nọyẹ ekwẹre ọvwata. Ekwẹre ọnẹyen ọ hobọtua ye jeghwai mwuie guẹnzọn ọsoso.
(Isaiah 64:8) Ọrẹn vwana, O Jehova, wẹwẹ yẹ Ọsẹ ame. Ame yẹ ọphiẹ, wẹwẹ yẹ Ọmemama ame; ame ephian owian obọ ọnọ.
w13 6/15 25 ¶3-5
Jenẹ Ọghwọghwu i Jehova Ọ Ma
OBORẸ ỌRỌ MA ERIẸ Ọ HA OMẸGBANHON ỌNẸYEN RUIRUO LELE
3 Ra ta kpahen omẹgbanhon i Jehova o vwori ro sun ihworho ọrhẹ egbamwa izede udje, Isaiah 64:8 ọrhọ ta: “Ọrẹn vwana, O Jehova, wẹwẹ yẹ Ọsẹ ame. Ame yẹ ọphiẹ, wẹwẹ yẹ Ọmemama ame; ame ephian owian obọ ọnọ.” Ọrọ ma eriẹ o vwo omẹgbanhon rọ nọ ma ọphiẹ na rhiẹ keriẹ keriẹ rọ guọlọre. Ọphiẹ na o vwo omẹgbanhon rọ nọ djẹ-ẹ. Omaran ọ je havwọ uvwre ituakpọ ọrhẹ Osolobrugwẹ. Jerẹ oborẹ ọphiẹ na o vwo vwo omẹgbanhon uvuẹn obọ ọrọ ma eriẹ na, onyakpọ ọ sabu lele Osolobrugwẹ frẹfro-o.—Se Jeremiah 18:1-6.
4 Rhẹ emọ Israel ahwanren, Jehova o dje omẹgbanhon ọnẹyen ro ru oborẹ ọrọ ma eriẹ ọ ha ọphiẹ ruẹ. Ọrẹn ovẹnẹ ọduado ọ havwiẹ. Ọrọ ma eriẹ ọnọ sabu ma eriẹ sansan nẹ uvuẹn ọphiẹ rhe. Jehova ọ ghwai ma ihworho yanghene agbamwa odedede, rọ ma ezẹko rhomẹ yanghene ọ vwọ ma erọrọ biomu? Baibol na ọ kpahenrhọ taghene ẹjo. Jehova ọ yẹ ituakpọ ẹghẹlẹ ọghoghanren, nọyẹ ẹghẹlẹ ugbomọphẹ. O vwo dje omẹgbanhon usuon ọnẹyen phia izede rọ nọ sẹrerhumuji ẹghẹlẹ ro tiobọnu na-a. Ituakpọ ina vi djẹ i Jehova nọ ma aye.—Se Jeremiah 18:7-10.
5 Orhianẹ ituakpọ erhe kwe nẹ Ọmemama Rode na ọ ma aye vwo? Marhẹ ono ru dje omẹgbanhon usuon ọnẹyen phia? Roro kpahen oborẹ ọ phia rẹn ọphiẹ orhianẹ o fo oborẹ a guọlọ ha ye ma na-a. Ọrọ ma eriẹ na, ọnọ sabu ha ye ma eriẹ ọrọrọ yanghene dorien fughwẹ! Arha sabu ha ọphiẹ na ruiruo-o, ọrọ ma eriẹ na ye kperẹ. Ọrẹn orhiẹ omaran yọ havwọ rhẹ Ọmemama ọwa-an. (Deut. 32:4) Ohworho orho kwe nẹ i Jehova nọ ma ye-e, e vwe kperi Jehova rhọ ye-e. Jehova o dje omẹgbanhon ro rhiẹ ọmemama ituakpọ phia nyoma ro wene irueruo yi lele oborẹ aye i kpahenrhọ ẹma ọnẹyen lele. Ihworho ri kweri nọ ma aye a mẹrẹn erere izede buebun. Jerẹ udje, Ilele Kristi ra ha ẹhẹn ọfuanfon djẹha yẹ “eriẹ ọrẹ arodọmẹ” ra maren rhiẹ ‘eriẹ ro vwo ọghọ.’ Obọreva ye, ihworho ri kparehaso Osolobrugwẹ ine rhiẹ “eriẹ ri fo oghwọghọ.”—Rom. 9:19-23.
Isese i Baibol
(Isaiah 63:1-10) Who is this coming from Eʹdom, From Bozʹrah with bright-colored garments, This one with splendid clothing, Marching in his great power? “It is I, the One speaking in righteousness, The One with great power to save.” 2 Why is your clothing red, And why are your garments like those of one treading the winepress? 3 “I have trodden the wine trough alone. No one from the peoples was with me. I kept treading them in my anger, And I kept trampling them in my wrath. My garments were spattered with their blood, And I have stained all my clothing. 4 For the day of vengeance is in my heart, And the year of my repurchased ones has come. 5 I looked, but there was no one to help; I was appalled that no one offered support. So my arm brought me salvation, And my own wrath supported me. 6 I trampled peoples in my anger, I made them drunk with my wrath And poured out their blood on the ground.” 7 I will mention Jehovah’s acts of loyal love, The praiseworthy acts of Jehovah, Because of all that Jehovah has done for us, The many good things he has done for the house of Israel, According to his mercy and his great loyal love. 8 For he said: “Surely they are my people, sons who will not be disloyal.” So he became their Savior. 9 During all their distress it was distressing to him. And his own personal messenger saved them. In his love and compassion he repurchased them, And he lifted them up and carried them all the days of old. 10 But they rebelled and grieved his holy spirit. He then turned into their enemy, And he fought against them.