38 Yeroo kanatti ibiddi Yihowaa gubbaadhaa gad buʼee aarsaa gubamu sana, qoraanicha, dhagoota sanaa fi biyyoo sana ni nyaate;+ bishaan boollicha keessa tures ni arraabe.+ 39 Namoonni sun hundis yommuu kana argan, yeruma sana adda isaaniitiin gombifamanii, “Yihowaan Waaqa dhugaa dha! Yihowaan Waaqa dhugaa dha” jedhan.

7 Solomoon kadhannaa isaa akkuma xumureen,+ ibiddi samii irraa buʼee+ aarsaa gubamuu fi aarsaawwan kan biroo ni nyaate; ulfinni Yihowaas manicha ni guute.+

3 Namoonni Israaʼel hundi, yommuu ibiddichi gad buʼuu fi ulfinni Yihowaa manicha irratti mulʼatu ilaalaa turan; isaanis adda isaaniitiin lafa dhagaan irra afame irratti gombifamanii sagaduudhaan, “Inni gaarii dha; jaalalli isaa inni amanamaan bara baraaf jabaatee dhaabbata” jedhanii Yihowaa galateeffatan.