63 Kanneen kun warra Musee fi Eleʼazaar lubichi yeroo gammoojjii Moʼaab isa Yerikoo gamatti, Yordaanos biratti argamu keessatti Israaʼelota galmeessanitti galmaaʼan sana dha. 64 Haa taʼu malee, namoota yommuu Musee fi Aaron lubichi lafa onaa Siinaa keessatti Israaʼelota lakkaaʼanii turanitti galmaaʼan keessaa namni tokko illee warra galmaaʼan kana keessatti hin argamu ture.+

11 ‘Isaan garaa isaanii guutuudhaan ana duukaa waan hin buuneef, namoota biyya Gibxiitii baʼan keessaa warri umuriin isaanii waggaa 20 fi isaa ol taʼe biyya ani, Abrahaam, Yisihaaqii fi Yaaqoobiif kakadhe sana+ hin argan;+

35 ‘Dhaloota hamaa kana keessaa namni tokko illee biyyattii gaarii ishii ani abbootii keessaniif kennuuf kakadhe sana hin argu;+

18 Warri inni gara boqonnaa isaatti akka hin galle itti kakate eenyufaa turan? Warra ajajamuu didan sana hin turree?

3 Nuti warri amantii akka qabnu argisiisne gara boqonnaa sanaatti ni galla; sababiin isaas, inni hojiin isaa erga addunyaan hundeeffamee jalqabee kan xumurame taʼus,+ “Ani dheekkamsa kootiin, ‘Isaan gara boqonnaa kootti hin galan’+ jedheen kakadhe” jedheera.