22 Dubbiin Yihowaan karaa Ermiyaas dubbate+ akka raawwatamuuf, waggaa jalqabaa Qiiros+ mootii Faarsitti, Yihowaan guutummaa mootummaa isaa keessatti labsii tokko akka labsuuf hafuura Qiiros mootii Faarsi ni kakaase; innis akkana jechuudhaan labsii sana ni barreesse:+ 23 “Qiiros mootiin Faarsi akkana jedha: ‘Waaqa samiiwwanii kan taʼe Yihowaan mootummoota lafa irraa hundumaa naaf kenneera;+ Yerusaalem ishii Yihudaatti argamtu keessattis mana akkan isaaf ijaaru na ajajeera.+ Saba isaa hundumaa keessaa namni isin gidduutti argamu kam iyyuu Waaqni isaa Yihowaan isaa wajjin haa taʼu; innis achitti ol haa baʼu.’”+