45 Daawitis Filisxeemichaan akkana jedhe: “Ati goraadee, eeboo fi bodee+ qabattee natti dhufta; ani garuu maqaa Yihowaa Gooftaa Raayyaa,+ Waaqa loltoota Israaʼel isa ati arrabsite* sanaatiin+ sitti nan dhufa. 46 Harʼa Yihowaan harka kootti dabarsee si kenna;+ anis si ajjeesee mataa kee si irraa nan mura; guyyaa kanattis reeffa raayyaa Filisxeemotaa allaattiiwwan samiitii fi bineensota lafaatiif nan kenna; namoonni lafa irra jiran hundis Israaʼel keessa Waaqni akka jiru ni beeku.+

15 Ammas Filisxeemotaa fi Israaʼelota gidduutti waraanni ni godhame.+ Kanaafuu, Daawitii fi tajaajiltoonni isaa gad buʼanii Filisxeemota waraanan; haa taʼu malee, Daawit baayʼee dadhabe.

17 Abishaay+ ilmi Zeruuyaas yeruma sana Daawitiin gargaaree+ Filisxeemicha rukutee ajjeese. Yeroo kanatti namoonni Daawit, “Kana booda nuu wajjin gara waraanaa dhaquu hin qabdu!+ Ibsaa Israaʼel dhaamsuu hin qabdu!”+ jedhanii isaaf kakatan.