3 Achiis Museen gara Waaqa dhugaatti ol baʼe; Yihowaanis gaaricha irraa isa waamee+ akkana isaan jedhe: “Mana Yaaqoobiin, jechuunis Israaʼelotaan akkana jedhi:

5 Ammas isin of eeggannoodhaan sagalee kootiif yoo ajajamtanii fi kakuu koo yoo eegdan, guutummaan lafaa kan koo waan taateef,+ isin dhugumaan saboota hundumaa keessaa anaaf qabeenya addaa* ni taatu.+

7 Sana booda kitaaba kakuu sana fuudhee sagalee isaa ol kaasee sabichaaf dubbise.+ Isaanis, “Wanta Yihowaan dubbate hundumaa raawwachuuf fedhii qabna; ni ajajamnas” jedhan.+

32 Kunis akka kakuu isa yeroon biyya Gibxiitii isaan baasuuf harka isaanii qabetti abbootii isaanii wajjin gale sanaa miti;+ ‘ani gooftaa isaanii isa dhugaa* yoon taʼe iyyuu, isaan kakuu koo cabsaniiru’ jedha Yihowaan.”+

18 Namoota kakuu yeroo jibicha bakka lamatti kutuudhaan gidduu isaa darbanitti na duratti galan raawwachuu dhiisuudhaan kakuu koo cabsan sana irratti,+ 19 jechuunis bulchitoota Yihudaa, bulchitoota Yerusaalem, abbootii taayitaa mana mootummaa, lubootaa fi namoota biyyattii hundumaa warra jibicha bakka lamatti kutame gidduu darban sana irratti akkana ni taʼa: 20 Ani harka diinota isaaniittii fi harka warra lubbuu isaanii balleessuu barbaadaniitti* dabarsee isaan nan kenna; reeffi isaaniis allaattiiwwan samii fi bineensota lafaatiif nyaata ni taʼa.+