5
Dhaamsa Macaafa Qulqulluu
Yihowaan bulchuudhaaf mirga qaba. Akkaataan inni itti bulchus mudaa hin qabu. Kaayyoon inni lafaafis taʼe ilmaan namootaatiif qabu ni raawwatama.
Dh.K.D. 4026 booda “Bofichi” mirga Yihowaan bulchuuf qabuufi akkaataa inni itti bulchurratti gaaffii kaase. Yihowaan “sanyii” yeroo booda boficha, jechuunis Seexana balleessu akka kaasu waadaa gale. (Uumama 3:1-5, 15) Haataʼu malee, Yihowaan namoonni dhiibbaa bofichaa jala taʼuudhaan yeroodhaaf akka of bulchan heyyame. |
Dh.K.D. 1943 Yihowaan ‘sanyiin’ inni abdachiifame karaasaa akka dhufu Abrahaamitti hime.—Uumama 22:18. |
Dh.K.D. 1070 booda Yihowaan ‘sanyiin’ inni abdachiifame karaa hidda dhalootaasaanii akka dhufu Daawit Mootichaaf, boodammoo ilmasaa Solomoon Mootichaaf mirkaneesse.—2 Saamuʼel 7:12, 16; 1 Mootota 9:3-5; Isaayaas 9:6, 7. |
Dh.K.B. 29 Yihowaan, Yesus “sanyii” abdachiifame akka taʼeefi teessoo Daawit kan dhaalu isa taʼuusaa beeksise.—Galaatiyaa 3:16, NW; Luqaas 1:31-33; 3:21, 22. |
Dh.K.B. 33 Bofichi Yesus akka ajjeefamu gochuudhaan, yeroo gabaabduudhaaf ‘sanyicha’ naaffiseera. Yihowaan Yesusiin duʼaa kaasee samiirra akka jiraatu kan godhe siʼa taʼu, gatii jireenya Yesus isa mudaa hin qabnee fudhateera. Kunis, sanyiin Addaam cubbuusaaniirraa dhiifama akka argataniifi jireenya barabaraa akka dhaalaniif buʼuura taʼeera.—Uumama 3:15; Hojii Ergamootaa 2:32-36; 1 Qorontos 15: 21, 22. |
Dh.K.B. n. 1914 Yesus boficha, jechuunis Seexana gara lafaatti darbachuudhaan sochiinsaa akka daangeffamu godheera.—Mulʼata 12:7-9, 12. |
Gara fuulduraatti Yesus Seexana waggaa 1,000f erga hidhee booda kan isa balleessu siʼa taʼu, kun immoo mataansaa akka buruqsame argisiisa. Achiis, kaayyoon inni jalqabaa Yihowaan lafaafis taʼe ilmaan namootaatiif qabu ni raawwatama, maqaansaa arrabsoorraa ni qulleeffama, akkasumas karaan inni itti bulchu sirrii taʼuunsaa ni mirkanaaʼa.—Mulʼata 20:1-3, 10; 21:3, 4. |