Seensa Kutaa 10

Yihowaan hundumaa irratti Mootii dha. Inni wanta hunda toʼachaa tureera, gara fuulduraattis toʼachuu isaa itti fufa. Fakkeenyaaf, Ermiyaas boolla keessatti akka hin duune isa oolcheera. Shaadraak, Meeshaakii fi Abedneegoo ibidda keessaa oolcheera, Daaniʼeliin immoo afaan leencotaa irraa oolcheera. Yihowaan guutummaa saba ishii oolchuu akka dandeessuuf Asteeriin eegeera. Inni hamminni bara baraaf akka itti fufu hin heyyamu. Raajiin waaʼee bifa fakkeenyaa isa guddaa fi muka isa guddaa dubbatame, Mootummaan Yihowaa dhiheenyatti hammeenya hunda balleessee ofii isaatii bara baraaf lafa akka bulchu wabii taʼa.