‘Amantii Keessa Jabaatanii Akka Dhaabatan’ Isaan Gargaaraa

Waggaa waggaadhaan namoonni 250,000 ol taʼan waan cuuphamaniif, Yihowaan hojii namoota walitti qabuu hedduu eebbisaa akka jiru arguun nama gammachiisa. (Kes. 28:2) Babalʼisaan tokko barataan Macaafa Qulqulluusaa akka cuuphamu erga gargaaree booda, namoota garabiraa gargaaruuf jecha qayyabsiisuusaa dhaabuudhaaf murteessuun baramaa taʼaa waan dhufe fakkaata. Barataan Macaafa Qulqulluu kunis, tajaajilarratti yeroo dabalataa dabarsuuf jecha qayyabannaasaa dhaabuu barbaada taʼa. Haataʼu malee, barattoonni Macaafa Qulqulluu karaa hafuuraa buʼuura cimaa qabaachuunsaanii barbaachisaadha. Kiristosirratti ‘hundeesaanii gad fageeffachuufi’ ‘amantiitti dhaabamuu’ isaan barbaachisa. (Qol. 2:6, 7; 2Xim. 3:12) Kanaaf, barataan Macaafa Qulqulluu tokko erga cuuphamee boodas, kitaabota Barumsa Macaafa Qulqulluufi “Jaalala Waaqayyoo Keessatti Of Eegaa” jedhaman lamaan qayyabatee hanga xumurutti qayyabannaasaa itti fufuu qaba.—Tajaajilla Mootummaa Ebla 2011, fuula 2 ilaali.