Mirga Iddoowwan Waaqeffannaa Dhugaa Ijaaruu fi Kunuunsuuf Qabnu

Mana qulqullummaa Israaʼel ijaaruun hojii fi baasii hedduu kan gaafatu ture. Haa taʼu malee, Israaʼeloonni hojii kana hinaaffaadhaan deggeraniiru. (1Sen 29:2-9; 2Sen 6:7, 8) Manni qulqullummaa ijaaramee erga xumuramee booda garuu, kunuunsuun Israaʼeloonni namoota hafuuraa taʼuu fi dhiisuu isaanii irratti kan hundaaʼe ture. (2Mot 22:3-6; 2Sen 28:24; 29:3) Yeroo harʼaatti, Kiristiyaanonni Galmawwan Mootummaa fi Galmawwan Walgaʼii Guguddaa ijaaruu, qulqulleessuu fi suphuuf yeroo hedduu dabarsu; akkasumas carraaqqii cimaa godhu. Haala kanaan Yihowaa wajjin hojjechuun mirga guddaa taʼuu isaa irra iyyuu, kutaa tajaajila qulqulluu Yihowaadhaaf dhiheessinuu ti.—Far 127:1; Mul 7:15.

KANA GOCHUUDHAAN IRRATTI HIRMAACHUU DANDEENYA:

• 

  Walgaʼii hunda booda qulqulleessi. Haalli kee kan si daangessu yoo taʼe immoo naannoo teessu qulqullinaan qabuuf wanta siif dandaʼame hunda godhi.

• 

  Sagantaa dhaabbataa Galma Mootummaa qulqulleessuu fi suphuuf baʼe irratti hirmaadhu. Waliin taʼanii hojjechuun hojichi gammachiisaa fi salphaa akka taʼu godha.—lv 92-93 key. 18.

• 

  Gama qarshiitiin deggersa gochuudhaan. Garaadhaa “saantiima lama” buusii gochuun illee Yihowaa ni gammachiisa.—Mar 12:41-44.

• 

  Haalli kee kan siif heyyamu yoo taʼe, gamoowwan tiʼookraasii ijaaruu fi haaromsuu irratti fedhiidhaan hirmaadhu. Hojii ijaarsaa irratti muuxannoo qabaachuun dirqama barbaachisaa miti.