Kitaabni Qulqulluun Maal Jedha?

Lafa irratti nagaan dhufuu ni dandaʼaa?

Ati maal jetta?

• Eeyyee

• Lakki

• Taʼuu dandaʼa

Kitaabni Qulqulluun maal jedha?

Bulchiinsa Yesuus Kiristoos jalatti, ‘hamma jiʼi deebitee argamuu dhabdutti nagaan ni baayʼata,’ jechuunis bara baraaf nagaan ni jiraata.—Faarfannaa 72:7.

Wanta dabalataa Kitaaba Qulqulluu irraa barannu

• Jalʼoonni lafa irraa ni balleeffamu, sana booda garraamonni “nagaa guututti jiraachuu isaaniitiin sonaan in gammadu.”—Faarfannaa 37:10, 11.

• Waaqayyoo waraana hunda ni balleessa.—Faarfannaa 46:8, 9.

Yeroo ammaatti nagaa sammuu argachuun ni dandaʼamaa?

Namoonni tokko tokko . . .addunyaan rakkinaa fi haqa jalʼisuudhaan guutame hamma jirutti, nagaa sammuu dhugaa argachuun hin dandaʼamu jedhanii yaadu. Maal sitti fakkaata?

Kitaabni Qulqulluun maal jedha?

Amma illee, namoonni Waaqayyootti dhihaatan ‘nagaa Waaqayyoo isa hubannaa hundumaa irra caalu’ argachuu ni dandaʼu.—Filiphisiyus 4:6, 7.

Wanta dabalataa Kitaaba Qulqulluu irraa barannu

• Waaqayyoo rakkinaa fi jalʼina haqaa balleessuudhaan, ‘wantoota hundumaa haaraa akka godhu’ waadaa galeera.—Mulʼata 21:4, 5.

• ‘Wantoota hafuuraatiif’ xiyyeeffannaa yoo kennine, nagaa sammuu argachuu ni dandeenya.—Maatewos 5:3.