Yihowaa Amanadhu, Wanta Gaarii Taʼes Hojjedhu

“Warra waan jalʼaa hojjetanitti . . . hin hinaafin!”

37:1, 2

• Milkaaʼina jalʼoonni yeroodhaaf argatan, Yihowaa tajaajiluu irraa duubatti akka jettu akka si godhu hin heyyamin. Eebbaa fi galma hafuuraa irratti xiyyeeffadhu

‘Yihowaa amanadhu, wanta gaarii taʼes hojjedhu’

37:3

• Yihowaan shakkii ykn yaaddoo ati qabdu hunda irratti akka si gargaaru amantii qabaadhu. Inni amanamaa taatee akka jiraattu si gargaara

• Misiraachoo Mootummaa Waaqayyoo lallabuu irratti hinaaffaadhaan hirmaadhu

‘Yihowaatti gammadi!’

37:4

• Yihowaa caalaatti beekuuf galma baafachuudhaan Dubbii Waaqayyoo dubbisuu fi irratti xiinxaluuf sagantaa baafadhu

‘Karaa kee Yihowaatti kennadhu’

37:5, 6

• Yihowaan rakkina kam iyyuu damdamachuuf si gargaaruu akka dandaʼu guutummaatti isatti amanami

• Mormii fi ariʼatamni yommuu si irra gaʼu ykn namoonni waaʼee kee ilaalcha dogoggoraa yommuu qabaatan amala gaarii argisiisi

‘Yihowaa duratti gab jedhi, obsaanis isa eeggadhu’

37:7-9

• Ariifattee tarkaanfii gammachuu fi nageenya hafuuraa kee balaadhaaf saaxilu fudhachuu irraa of qusadhu

‘Warri garraamonni lafa ni dhaalu’

37:10, 11 (hiika bara 1899)

• Garraamii taʼi, hanga Yihowaan jalʼina si irratti raawwatamu hunda hambisutti gad of qabuudhaan eeggadhu

• Namoota hidhata amantii kee taʼan gargaari; abdii Waaqayyo addunyaa haaraa isa dhiheenyatti dhufu ilaalchisee kenne itti himuudhaan warra gaddanis jajjabeessi