‘Ati Ofii Keetiif Wanta Guddaa Akkasii hin Fedhin!’

45:2-5

Baaruk nama akka gaariitti baratee fi abbaa taayitaa mana mootummaa taʼuu hin oolu. Yihowaa kan waaqeffatuu fi Ermiyaasiin amanamummaadhaan deggeraa kan ture taʼus, yeroo taʼe tokkotti garuu madaallii isaa dhabee ture. Tarii mana mootummaa keessatti aboo dabalataa ykn qabeenya dabalataa argachuu waan barbaadeef taʼuu hin ooluu, ofii isaatiif “wanta guddaa” barbaaduu jalqabee ture. Badiisa Yerusaalem irratti dhufaa jiru jalaa ooluuf ilaalcha isaa irratti jijjiirama gochuun isa barbaachisa ture.