“Kennaa Yihowaadhaaf Kennamu”

Yeroo ammaatti ‘Waaqayyoof kennaa dhiheessuu’ kan dandeenyu akkamitti? (1Sen 29:5, 9, 14) Karaawwan adda addaa hojii Dhugaa Baatota Yihowaa biyya keenya keessattii fi addunyaa maratti taasifamu deggeruuf fedhiidhaan buusii qarshii gochuuf filachuu itti dandeenyu akka armaan gadiitti ibsamaniiru.

BUUSII INTARNEETIIDHAAN GODHAMU YKN SAANDUQA BUUSII KEESSA BUUFAMU:

• 

  HOJII ADDUNYAA MARATTI TAASIFAMU

  ijaarsa waajjiroota damee fi hojii achi keessatti hojjetamuuf, akkasumas waajjiroota hiikkaa fagootiif

  manneen barumsaa tiʼookraasiitiif

  tajaajiltoota tajaajila yeroo guutuu addaa keessa jiraniif

  gargaarsa yeroo balaan uumamutti taasifamuuf

  maxxansaaf, viidiyoowwanii fi barreeffamoota bifa elektiroonikiitiin qopheessuuf

• 

  BAASIIWWAN GUMICHAA

  baasiiwwan gumii kan akka, ibsaa fi bishaanii akkasumas suphiinsa salphaa Galma Walgaʼiitiif

  qarshiin gumichi gara waajjira dameetti erguuf sagalee tokkoon walii gale:

  • ijaarsa Galmawwan Walgaʼii fi Galmawwan Walgaʼii Guguddaa addunyaa maraatiif

  • Qophii Gargaarsaa Addunyaa Maraatiif

  • sochiiwwan addunyaa maratti taasifaman kaaniif oola

WALGAʼIIWWAN GUGUDDAA

Buusiin isin walgaʼii naannoo keessan irratti gootan hojii addunyaa maraatiif ergama. Baasiin walgaʼii naannoo, walgaʼii addaa fi biyyoolessaa wajjin wal qabatan buusii hojii addunyaa maraatiif godhamuun kaffalama.

Buusiiwwan walgaʼii aanaa irratti godhaman, galma walgaʼii guguddaa kireeffachuu, kunuunsuu fi suphuuf akkasumas baasiiwwan aanichaa wajjin wal qabatan kaaniif hojii irra oolu. Aanaan tokko qarshii isa irraa hafe hojii Dhugaa Baatonni Yihowaa addunyaa maratti hojjetaniif erguuf murteessuu dandaʼa.