Barumsa Waaqayyoo Irraa Argamu Hordofaa

BARBAACHISAA KAN TAʼE MAALIIFI? Yihowaan inni Barsiisaa Guddicha taʼe barumsa hunda irra caalu kenna. Kaffaltii tokko malee, akkamitti jireenya keenya fooyyessuu akka dandeenyuu fi yeroo gara fuulduraa dinqisiisaa taʼeef akkamitti qophaaʼuu akka dandeenyu nu barsiisa! (Isa 11:6-9; 30:20, 21; Mul 22:17) Kana malees barumsa Isa biraa argamuun, Yihowaan ergaa lubbuu namootaa baraaru labsuu irratti akka hirmaannu nu qopheessa.—2Qo 3:5.

KANA GOCHUU KAN DANDEENYU AKKAMITTI?

• Amala gad of qabuu fi garraamummaa guddifadhaa.—Far 25:8, 9

• Kutaawwan barattootaa walgaʼii torban gidduutti goonu irratti dhihaatan dabalatee, leenjii Yihowaan yeroo ammaatti kennaa jiru irraa fayyadamuuf carraaqqii godhaa

• Galmawwan hafuuraa baafadhaa.—Flp 3:13

• Gaʼumsa leenjii dabalataa argachuuf isin barbaachisu qabaachuuf aarsaa kaffalaa.—Flp 3:8

VIIDIYOO BARUMSA YIHOWAATIIN KARAA HAFUURAA BADHAADHINA ARGACHUU JEDHAMU ILAALAA, ACHIIS GAAFFIIWWAN ARMAAN GADII DEEBISUUF YAALAA:

• Babalʼistoonni tokko tokko Mana Barumsaa Labsitoota Wangeela Mootummichaa irratti hirmaachuuf rakkoowwan akkamii moʼaniiru?

• Manni Barumsaa Labsitoota Wangeela Mootummichaa leenjii akkamii kenna?

• Obboloonni mana barumsichaa irraa eebbifaman miseensota gumii iddoo haaraa isaan itti ramadaman jiran irraa gargaarsa akkamii argataniiru?

• Ulaagaaleen Mana Barumsaa Labsitoota Wangeela Mootummichaa irratti hirmaachuuf barbaachisan kamfaʼi? (kr 213-214)

• Jaarmiyaa Yihowaa keessatti leenjii kan biraa akkamii argachuuf carraaquu dandeessa?