Isa Moofaa Of Irraa Baasaatii Isa Haaraa Uffadhaa

3:5-14

Yeroo dhugaa fudhattetti namummaa kee irratti jijjiirama guddaa gooteettaa? Yihowaan carraaqqii gootetti akka gammade mirkanaaʼaa taʼuu dandeessa. (His 33:11) Haa taʼu malee, amaloonni namummaa moofaa taʼan akka hin deebine gochuu fi amaloota namummaa haaraa argisiisuu itti fufuuf carraaqqii wal irraa hin cinne gochuun barbaachisaa dha. Wantoota fooyyessuu dandeessu hubachuuf gaaffiiwwan kanatti aananii jiraniif deebii kenni.

• Nama na mufachiisetti haaloo nan qabadhaa?

• Yeroon ariifadhee fi dadhabee jirutti illee obsa nan argisiisaa?

• Yaadni naamusaan ala taʼe gara sammuu kootti yoo dhufe dafee of keessaa nan baasaa?

• Namoota sanyii ykn lammii kan biraa qabaniif miira dogoggoraan qabaa?

• Dhiheenya kana nama tokkotti karaa sirrii hin taaneen dubbadheeraa? Yookiin aarii koo utuu hin toʼatin hafeeraa?