Namoota Yihowaa Jaallatan Wajjin Yeroo Dabarsaa

Namoota Yihowaa jaallatan wajjin yeroo dabarsuu kan qabnu maaliifi? Sababiin isaas hariiroon nuti uumnu dhiibbaa gaariis taʼe gadhee nu irraan geessisuu dandaʼa. (Fak 13:20) Fakkeenyaaf, Yoʼaas Mootichi, yeroo Yoyaadaa isa Luba Ol Aanaa ture wajjin dabarse hundatti “waan Waaqayyoon gammachiisu hojjechaa ture.” (2Sen 24:2) Yoyaadaan erga duʼee booda garuu, Yoʼaas hariiroo gadhee uumeen kan kaʼe Yihowaa irraanfateera.—2Sen 24:17-19.

Phaawulos Dh.K.B. jaarraa jalqabaatti gumii Kiristiyaanaa ‘mana guddaa tokkotti,’ miseensota gumii immoo “qodaa” ykn meeshaalee mana keessaatti fakkeesseera. Miseensota maatii keenya ykn miseensota gumii keenyaa dabalatee namoota wanta Yihowaa hin gammachiisne raawwatan irraa yoo fagaanne “miʼa tajaajila ulfinaatiif oolu” taanee itti fufuu dandeenya. (2Xi 2:20, 21) Kanaafuu, namoota Yihowaa jaallatanii fi akka isa tajaajillu nu jajjabeessan hiriyoota godhachuu keenya itti haa fufnu.

VIIDIYOO HIRIYUMMAA GADHEE IRRAA FAGAACHUU BARADHAA JEDHU ILAALAA; ACHIIS GAAFFIIWWAN ARMAAN GADII DEEBISUUF YAALAA:

• Utuu nutti hin beekamin namoota gaarii hin taanee wajjin yeroo dabarsuu kan dandeenyu akkamitti?

• Viidiyoo kana irratti, wanti Kiristiyaanota sadan kana hiriyummaa gadhee irraa fagaachuuf isaan gargaare maali dha?

• Qajeelfamawwan Kitaaba Qulqulluu kamfaatu ogummaadhaan michoota gaarii filachuuf nu gargaaru?