AKKA KIRISTIYAANA TOKKOOTTI JIRAACHUU
Oduu Sobaa Babalʼisuu Irraa Of Eegaa
Yeroo harʼaatti oduun tokko wantoota maxxanfamaniin, raadiyoodhaan, televizyinii fi intarneetiidhaan saffisa guddaadhaan namoota miliyoonaan lakkaaʼaman bira gaʼuu dandaʼa. Namoonni ‘Waaqa amanamaa’ waaqeffatan utuu hin beekin illee oduu sobaa babalʼisuu hin barbaadan. (Far 31:5; Bau 23:1) Sobni tokko namoota kan birootti himamuun isaa miidhaa guddaa geessisuu dandaʼa. Odeeffannoon tokko dhugaa taʼuu isaa adda baafachuuf akkana jedhii of gaafadhu:
‘Maddi isaa amansiisaa dhaa?’ Namni oduu sana dubbate tarii dhimmicha ilaalchisee dhugaa isaa hin beeku taʼa. Oduun tokko nama tokko irraa gara nama kan biraatti yeroo darbu hamma tokko jijjiiramuun isaa hin oolu; kanaafuu, madda isaa isa sirrii adda baafachuu hin dandeessu taanaan of eeggadhu. Keessumaa namoonni gumii keessatti mirga qaban warri kaan waan isaan amananiif, odeeffannoo hin mirkanoofne akka hin dabarsine of eeggachuu qabu
‘Odeeffannoon kun maqaa kan balleessu dhaa?’ Odeeffannoon tokko maqaa gaarii namni tokko ykn gareen tokko qabu kan balleessu yoo taʼe nama kan biraatti hin himin.—Fak 18:8; Flp 4:8
‘Oduun kun kan amanamu dhaa?’ Oduu fi muuxannoo baayʼee nama dinqisiisu yeroo dhageessu of eeggadhu
VIIDIYOO HAMII IRRAA FAGAACHUU KANAN DANDAʼU AKKAMITTI? JEDHAMU ERGA ILAALTANII BOODA GAAFFIIWWAN ARMAAN GADII DEEBISUUF YAALAA:
Fakkeenyi 12:18 akka jedhutti jechoonni miidhaa akkamii geessisuu dandaʼu?
Filiphisiyus 2:4 waaʼee namoota kaanii dubbachuu ilaalchisee ilaalcha madaalamaa qabaachuuf kan nu gargaaru akkamitti?
Namoota kaan ilaalchisee wanti dubbannu gara dubbii miidhaa qabuutti ykn sirrii hin taaneetti yommuu jijjiiramu maal gochuu qabna?
Waaʼee namoota kaanii dubbachuu jalqabuu keenya dura gaaffiiwwan kam of gaafachuu qabna?