Kitaaba Qulqulluu Akka Daawwitiitti Fayyadami

Yaaqoob baratichi Kitaaba Qulqulluu daawwitii keessa keenya ilaaluuf nu dandeessisutti fakkeesseera. (Yaq. 1:22-25) Kitaaba Qulqulluu akka daawwitiitti fayyadamuu kan dandeenyu akkamitti?

Of eeggannoodhaan dubbisi. Daawwitii keessatti yeroo of ilaallu kan ariifannu yoo taʼe, wanta sirreeffamuu qabu tokko utuu hin sirreessin dhiisuu dandeenya. Haaluma wal fakkaatuun, Kitaaba Qulqulluu kan dubbisnu ariitiidhaan yoo taʼe kallattii sirreeffama gochuun itti nu barbaachisu hubachuu dhiisuu dandeenya; kanaafuu, Dubbii Waaqayyoo of eeggannoodhaan dubbisuun keenya gaariidha.

Nama kan biraarratti utuu hin taʼin ofirratti xiyyeeffadhu. Daawwitii yeroo ilaallu xinnoo yoo jalʼisne hirʼina keenya utuu hin taʼin hirʼina warra kaanii nutti mulʼisa. Haaluma wal fakkaatuun, Kitaaba Qulqulluu yeroo dubbisnu dogoggora nama kan biraarratti xiyyeeffachuu dandeenya. Akkas gochuun garuu dogoggora keenya sirreessuuf nu hin gargaaru.

Ilaalcha madaalamaa qabaadhu. Yeroo daawwitii ilaallu hundatti hanqina keenyarratti qofa kan xiyyeeffannu yoo taʼe abdii kutachuu dandeenya. Yeroo Dubbii Waaqayyoo dubbisnu wanta Yihowaan nurraa eegu caalaa ofirraa eeguu dhiisuudhaan ilaalcha madaalamaa akka qabnu argisiisuu dandeenya.—Yaq. 3:17.