Waaqayyo Sillaasee Dhaa?

Deebii Kitaaba Qulqulluu

Dhaabbileen amantii hedduun Waaqayyo Sillaasee akka taʼe barsiisu. Haa taʼu malee, kitaabni Encyclopædia Britannica jedhamu maal akka jedhe ilaali: “Jechi Sillaasee jedhus ta’e, barumsisaa Kakuu Haaraa keessatti hin argamu . . . Barumsi kun jaarraawwan hedduu keessatti falmii guddaa booda suutuma suuta babalʼachaa dhufe.”

Waaqayyo, matumaa kutaa sillaasee akka taʼetti hin ibsamne. Caqasoota Kitaaba Qulqulluu armaan gadii ilaali:

“Waaqayyo gooftaan keenya Waaqayyo isa tokkicha.”—Keessa Deebii 6:4.

“Maqaan kee ‘Isa Jiraataa’ akka taʼe, ati kophaa kee guutummaa biyya lafaa irratti gooftaa isa hundumaa gararraa jiru taʼuu kees haa beekan.”—Faarfannaa 83:18.

“Jireenya bara baraa argachuu akka dandaʼaniif, si isa Waaqa dhugaa tokkicha taatee fi Yesuus Kiristoos isa ati ergite sana beekuu qabu.”—Yohaannis 17:3.

“Waaqayyo garuu tokko.”—Galaatiyaa 3:20, Macaafa Qulqulluu Afaan Oromoo hiika Bara 1997.

Dhaabbileen amantii Kiristiyaanaa hedduun Waaqayyo kutaa Sillaasee ti kan jedhan maaliifi?