LAAYIBRARII INTARNEETIIRRAA
Masaraa Eegumsaa
LAAYIBRARII INTARNEETIIRRAA
Afaan Oromoo
  • KITAABA QULQULLUU
  • BARREEFFAMOOTA
  • WALGAʼIIWWAN
Barreeffamoota Afaan Oromoo (1993-2025)
Baʼi
Gali
LAAYIBRARII INTARNEETIIRRAA
Masaraa Eegumsaa
LAAYIBRARII INTARNEETIIRRAA
Baga Nagaan Dhufte
Laayibrariin kun barreeffamoota Dhugaa Baatonni Yihowaa afaan garaa garaatiin qopheessan irratti qorannoo gochuuf gargaara.
Barreeffamoota buufachuuf, maaloo weebsaayitii jw.org daawwadhu.
Beeksisa
Afaan haaraa jalqabe:Mbum
  • Harʼa

Sanbadduraa, Adoolessa 26

Ijoollee jaallatamoo waan taataniif, Waaqayyoon kan fakkaattan taʼaa.—Efe. 5:1.

Yeroo harʼaatti akka isa galateeffannuu fi akka isa jaallannu karaa argisiisuun waaʼeesaa dubbachuudhaan Yihowaa gammachiisuu dandeenya. Kaayyoon tajaajila itti baanu inni guddaan namoonni Yihowaatti akka dhihaatanii fi akkuma keenya akka Abbaa isaan jaallatutti akka isa ilaalan gargaaruudha. (Yaq. 4:8) Kitaabni Qulqulluun waaʼee Yihowaa maal akka jedhu, fakkeenyaaf jaalala, haqa, ogummaa, humnaa fi amaloota inni qabu kan biroo ilaalchisee maal akka jedhu namootatti argisiisuun nu gammachiisa. Fakkeenya Yihowaa hordofuuf carraaqqii gochuudhaanis isa jajachuu fi isa gammachiisuu ni dandeenya. Yeroo akkas goonu addunyaa hamaa kana keessatti warra kaanirraa adda taanee mulʼanna. Kunis namoonni gaaffiin akka isaanitti uumamu gochuu dandaʼa. (Mat. 5:14-16) Yeroo namoota wajjin wal arginu amala warra kaanirraa adda taʼe kan argisiisnu maaliif akka taʼe isaaniif ibsuu dandeenya. Sababii kanaatiin namoonni garaa qajeelaa qaban Waaqa keenyatti dhihaachuuf kakaʼuu dandaʼu. Karaawwan kanaan yeroo Yihowaa jajannu garaasaa gammachiisna.—1 Xim. 2:3, 4. w24.02 10 key. 7

Kitaaba Qulqulluu Guyyaa Guyyaan Qoruu—2025

Dilbata, Adoolessa 27

Jajjabeessuu fi . . . balleessaa [hubachiisuu kan dandaʼu].—Tit. 1:9.

Kiristiyaanota bilchina qabdan taʼuuf dandeettiiwwan faayidaa qaban tokko tokko horachuun isin barbaachisa. Kunis gumii keessatti itti gaafatamummaa fudhachuuf, hojii ofii keessanis taʼe maatii keessan deggeruuf isin dandeessisu argachuuf, akkasumas warra kaan wajjin walitti dhufeenya gaarii qabaachuuf isin gargaara. Fakkeenyaaf sirriitti dubbisuu fi barreessuu baradhaa. Kitaabni Qulqulluun namni gammachuu fi milkaaʼina qabu tokko guyyaa guyyaadhaan Dubbii Waaqayyoo dubbisuu fi irratti xiinxaluuf yeroo akka ramadu dubbata. (Far. 1:1-3) Namni guyyaa guyyaadhaan Kitaaba Qulqulluu dubbisu ilaalcha Yihowaa waan hubatuuf, sirriitti yaaduu fi gorsa Dubbii Waaqayyoorraa argate akkamitti akka hojiirra oolchu beeka. (Fak. 1:3, 4) Obboloonnii fi obboleettonni keenya qajeelfamnii fi gorsi Kitaaba Qulqulluurratti hundaaʼe isaan barbaachisa. Sirriitti dubbisuu fi barreessuu kan dandeessu yoo taʼe haasaa fi yaada warra kaan fayyaduu fi amantii isaanii cimsu kennuu dandeessa. Akkasumas yaadannoo gaarii qabachuun caalaatti amantii kee cimsachuu fi warra kaan jajjabeessuuf si gargaara. w23.12 26-27 key. 9-11

Kitaaba Qulqulluu Guyyaa Guyyaan Qoruu—2025

Wiixata, Adoolessa 28

Inni isinii wajjin tokkummaa qabu isa addunyaa wajjin tokkummaa qabu sana [ni caala].—1 Yoh. 4:4.

Yeroo sodaan sitti dhagaʼamu wanta Yihowaan gara fuulduraatti yommuu Seexanni balleeffamu godhurratti xiinxali. Hojiin argisiisni walgaʼii naannoo bara 2014 irratti dhihaate tokko, abbaan tokko 2 Ximotewos 3:1-5 waaʼee jireenya Jannata keessaa kan dubbatu utuu taʼee akkana jedhamee akka dubbifamu maatii isaa wajjin mariʼatee ture: “Addunyaa haaraa keessatti yeroon addaa baayʼee gammachiisaa taʼe akka dhufu beeki. Sababiin isaas, namoonni warra kaan kan jaallatan, qabeenya hafuuraa kan jaallatan, humna isaanii kan beekan, kan gad of qaban, Waaqayyoon kan jajatan, warra isaaniitiif kan ajajaman, kan galateeffatan, amanamoo kan taʼan, maatii isaaniitiif jaalala guddaa kan qaban, walii galuuf fedhii kan qaban, waaʼee warra kaanii yeroo hunda wanta gaarii kan dubbatan, kan of toʼatan, garraamota, wanta gaarii kan jaallatan, warra kaaniif kan amanaman, tole kan jedhan, kan of hin tuulle, wanta isaan gammachiisu jaallachuu mannaa Waaqa kan jaallatan, akkasumas Waaqa garaadhaa kan sodaatan taʼu; namoota akkasiitti maxxani.” Addunyaa haaraa keessatti jireenyi maal akka fakkaatu miseensota maatii kee ykn obboloota kee wajjin irratti ni mariʼattaa? w24.01 6 key. 13-14

Kitaaba Qulqulluu Guyyaa Guyyaan Qoruu—2025
Baga Nagaan Dhufte
Laayibrariin kun barreeffamoota Dhugaa Baatonni Yihowaa afaan garaa garaatiin qopheessan irratti qorannoo gochuuf gargaara.
Barreeffamoota buufachuuf, maaloo weebsaayitii jw.org daawwadhu.
  • Afaan Oromoo
  • Ergi
  • Filannoowwan
  • Copyright © 2025 Watch Tower Bible and Tract Society of Pennsylvania
  • Walii Galtee
  • Imaammata Mateenyaa
  • Filannaa Dhuunfaa
  • JW.ORG
  • Gali
Ergi