Faarfannaa

1 Namni akka gorsa hamootaatti hin deddeebine,

Daandii cubbamootaa irra hin dhaabbanne,+

Teessuma qoostotaa irras hin teenye+ gammadaa dha.

 2 Kanaa mannaa inni seera Yihowaatti ni gammada,+

Seera isaas halkanii fi guyyaa sagalee isaa gad qabee dubbisa.*+

 3 Inni akka muka bishaan yaaʼu biratti dhaabamee,

Akka muka waqtii isaatti firii godhatuu,

Baalli isaas hin coollignee ni taʼa.

 4 Hamoonni garuu akkana miti;

Isaan akka habaqii bubbeen fudhatee deemuu ti.

 5 Kanaan kan kaʼes, hamoonni yeroo murtiitti akkuma dhaabbatanitti itti hin fufan;+

Cubbamoonnis yaaʼii qajeelotaa keessatti hin argaman.+

 6 Yihowaan daandii qajeelotaa beeka,+

Daandiin hamootaa garuu ni bada.+